El programa de radio 'Iniciativa pol Asturianu nes ondes' cumple cinco años n'antena

Imprimir E-mail
(1 Voto)
Escrito por Inaciu Galán, presidente d'Iniciativa pol Asturianu   
Jueves, 29 de Junio de 2017 10:29
El programa de radio 'Iniciativa pol Asturianu nes ondes' cumple cinco años n'antena 5.0 out of 5 based on 1 votes.
Siéntese nuna docena d'emisores a lo llargo de toa Asturies y en Bruseles.
iniciativa-asturianu-banda-logoiniciativa-nes-ondes
Iniciativa pol Asturianu nes Ondes ye programa de radio entamáu pola ONG Iniciativa pol Asturianu y dirixíu por Samuel Gradín. El programa cumple agora un llustru trabayando "la presencia de la entidá y l'asturianu nos medios de comunicación del país". Cinco años d'una "xera incondicional y de mui bonos resultaos".

Samuel Gradín, llocutor con llargos años d'esperiencia en medios como La Voz de Galicia o la RPA, llévanos a lo llargo de los al rodiu sesenta minutos que dura la emisión, conociendo les noticies del movimientu de reivindicación llingüística, con entrevistes, música y hasta un pequeñu requexu pa deprender asturianu.

El programa emítese n'emisores per tol territoriu d'Asturies y pa la emigración asturiana en Bruseles: Radio Kras, Radio Aller FM, Radio Uxo, Radio Llaviana, Radio L.lena, Onda Peñes, Onda Corvera, Radio Narcea y Radio Pravia, y puede sentise tamién nes canales d'Iniciativa pol Asturianu n'Ivoox y YouTube.

A lo llargo d'estos cinco años pasaron pel programa personalidaes del mundu de la música, la lliteratura, la política, el mundu asociativu y empresarial. Persones, de mui diferente perfil, xuníes toes elles por trabayar a favor de la normalización y el futuru del asturianu.

"Quiero felicitar a Samuel Gradín y a toles persones que collaboráis o collaborestis en dalgún momentu, pol exemplar trabayu a lo llargo d'estos cinco años que lu convierten nel programa n'asturianu n'activu con más años al llombu nesti momentu", espresó Inaciu Galán, presidente d'Iniciativa pol Asturianu pol quintu aniversariu del mesmu.scroll back to top
 

Directorio de empresas

silvota_trabajador

Directorio de  Guía de Asturias

Números publicados

portadas

Concejos

mapa_asturias_p