Iniciativa pol Asturianu recoyó'l reconocimientu 'N'alcordanza d'un país' qu'entrega l'asociación La Xordia

Imprimir E-mail
(0 Votos)
Escrito por Iniciativa pol Asturianu   
Jueves, 29 de Noviembre de 2018 12:36
'Esti gallardón que mos concede La Xordia ye un reconocimientu a siete años de trabayu, d'ilusión y d'esfuerzu en defensa del idioma d'Asturies'.
'Iniciativa pol Asturianu quier agradecer públicamente la concesión del reconocimientu de l'asociación La Xordia y dende la nuesa organización animámoslos a seguir teniendo presente a la llingua asturiana nes sos actividades'.
iniciativa-asturianu-banda-logo





Premios Iniciativa pol Asturianu 295
Inaciu Galán, presidente d'Iniciativa pol Asturianu, dixo dempués de recoyer esti sábadu en Les Regueres el premiu entregáu pola asociación La Xordia que "ye un arguyu pa tolos socios y socies d'Iniciativa pol Asturianu tar güei equí recoyendo esti reconomientu porque ye la manera de valorar tantu empeñu coleutivu en defensa del idioma".
"Esti premiu anima a a seguir tando presentes nuna llabor continua, diaria y sin descansu como ye la de la normalización del asturianu"
La recoyida del premiu fízose dientro de la III Amuesa de folclor "Castaña Valduna" qu'entama l'asociación La Xordia en Les Regueres. Galán comentó que "el gallardón 'N'alcordanza d'un país' que mos concede esti añu La Xordia ye un reconocimientu a siete años de trabayu, d'ilusión y d'esfuerzu en defensa del idioma d'Asturies y amás ye un premiu qu'anima a seguir tando presentes nuna llabor continua, diaria y sin descansu como ye la de la normalización del asturianu, la presencia del asturianu na sociedá y en salvar esti idioma". P'acabar, el presidente d'Iniciativa pol Asturianu dixo que "Iniciativa pol Asturianu quier agradecer públicamente la concesión del reconocimientu de l'asociación La Xordia y dende la nuesa organización animámoslos a seguir teniendo presente a la llingua asturiana nes sos actividades".
 
scroll back to top
 

Directorio de empresas

silvota_trabajador

Números publicados

portadas

Concejos

mapa_asturias_p