Imágenes de Asturias

descargar


Suscríbete

Recibe cada mes el sumario en tu correo

Quién está en línea

Tenemos 434 invitados conectado(s)
Opinión Firmas Xaviel Vilareyo Alfonsu IV Froilani, rei d’Asturies (925-932)

Alfonsu IV Froilani, rei d’Asturies (925-932)

Imprimir E-mail
(20 Votos)
Escrito por Xaviel Vilareyo   
Martes, 02 de Febrero de 2010 13:24
Alfonsu IV Froilani, rei d’Asturies (925-932) 4.9 out of 5 based on 20 votes.
En morriendo’l rei Fruela II d’Asturies en 925, qu’heredó col tiempu tol territoriu del reinu antes dixebráu colos sos hermanos, el so fíu mayor Alfonsu IV Froilani ye’l lexítimu y únicu herederu del Reinu d’Asturies yá que Fruela II foi l’anterior y lexítimu soberanu. Alfonsu IV Froilani yera ñetu d’Alfonsu III el Grande.
Xaviel VilareyoCiñó la corona asturiana n’agostu del 925 hasta febreru del 926 cuando los sos primos, los Ordóñez, dan un golpe d’estáu y escorónenlu en Lleón pola fuerza. Los Ordóñez yeren fíos del rei Ordoñu II, hermanu de Fruela II, pero Alfonsu IV Froilani tenía mayor derechu al ser el primoxénitu del anterior rei, Fruela II, qu’amás recoyera na so persona los trés dominios del reinu asturianu: Asturies, Galicia y Lleón, llueu de morrer los sos hermanos. Pero la nobleza gallega apoyaba a los Ordoñez mentantu que la astur apoyó a los Froilani entamándose una especie de griesca civil ente primos. Nun principiu la griesca ganóla Alfonsu IV Forilani siendo ésti rei en Lleón per un añu, pero los conflictos nun terminaríen. Llueu de conquistar el tronu pola fuerza, los Ordóñez repártense’l reinu (Galicia, Lleón, Lusitania) pactando cesiones en casu de finar caún, y con too, permiten de bon xeitu qu’Alfonsu IV Froilaniz marche de Lleón colos sos hermanos tornando pa Les Asturies, cola so familia, onde s’instala como rei d’Asturies y calteniendo les sos pretensiones d’hexemonía frente a los primos. N’Asturies siguió exerciendo’l goviernu d’esta tierra independientemente de Lleón como yá lo fixera so padre Fruela II dende 910, siendo rei d’Asturies nel territoriu asturiense del Eo al Deba en Basconia, representando’l cetru de so padre, según les cróniques. N’Asturies convive con sos tíos paternos (l’infante Ramiru) y cola reina vilda Doña Urraca, so madrastra, calteniendo’l nome de rei y el fueru de dignidá. Ellos yeren fíos de Nunilo, la primer esposa de Fruela II.
Nel cartulariu de la ilesia de Santa María del Puertu (Santoña) hai una escritura del 927 onde vien la espresión “regnante rex Alfonso Froilaci” prueba una vez más de que conservó’l títulu de rei d’Asturies durante siete años dende 925 hasta 932 cuando morrió presu nel monasteriu de Ruiforcu. Hasta que morrió nel so cautiveriu siguó considerándose como’l verdaderu rei d’Asturies, y faciendo valer los derechos del so fíu Ordoñu Adefonsi.
Alfonsu IV Froilani, rei d’Asturies (925-932)Alfonsu IV Froilani considera toa esta situación inxusta yá que los Ordóñez nun tienen derechu al tronu por ser él l’únicu rei lexítimu de toles tierres y non sólo de les tresmontanes. En Les Asturies, Alfonsu IV Froilani exerce tolos atributos y honores propios de la realeza durante los años siguientes y asina se-y reconoz. Nuna lápida atopada na ilesia de Santa Olaya del Valle (Carreño) apaeció una inscripción na que diz que’l templu lu edificó Alfonsu fíu del rei Fruela n’honor de San Pedru y San Pablu. Esta lápida provién d’un anterior templu del Monte Areo que taba nel llugar del Valle San Pablu. Esta misión fundacional ye prueba del exerciciu efetivu de la realeza por Alfonsu IV Froilani al menos nel ámbitu de Les Asturies. Sampiro reconoz qu’él representaba lexítimamente los derechos paternos. Otra lápida del muséu de Salas menciona a Alfonsu IV Froilani. Pero les lluches ente los hermanos Ordoñez nun tarden en resurdir: muertu Sanchu, Alfonsu Ordóñez ye rei en Lleón pero llueu retíase pa un conventu renunciando nel so hermanu Ramiru. Nel conventu arrepiéntese de la so renuncia quitándo-y el reinu al hermanu, cola negativa de toos, y entama una nueva guerra ente hermanos. Ramiru vence, apresa a Alfonsu Ordóñez y sáca-y los güeyos. Non contentu con esta victoria Ramiru quier acabar dafecho coles pretensiones de los Froilani y marcha pa Les Asturies pa prindalos. Nel añu 931 llueu d’una nueva guerra Ramiru derrota a los sos primos nes Asturies esgüeyando tamién a los trés Froilaniz, prisioneros en diferentes monasterios y matándolos a toos depués. Asina ye cómo trató’l destín al que se considera por toos como l’últimu rei d’Asturies y representante de la independencia asturiana: Alfonsu IV Froilani.
Nel cartulariu de la ilesia de Santa María del Puertu (Santoña) hai una escritura del 927 onde vien la espresión “regnante rex Alfonso Froilaci” prueba una vez más de que conservó’l títulu de rei d’Asturies durante siete años dende 925 hasta 932 cuando morrió presu nel monasteriu de Ruiforcu. Hasta que morrió nel so cautiveriu siguó considerándose como’l verdaderu rei d’Asturies, y faciendo valer los derechos del so fíu Ordoñu Adefonsi.
La Nómina Lleonesa consigna a continuación de Fruela II el reináu de “Adefonsus Froilani filius”. Alfonsu IV Froilani, el fíu del rei Fruela II y de la reina Nunilo, ye l’últimu rei d’una Asturies soberana.scroll back to top
 

Una hora menos en Miranda

Entre 2008 y 2014, Xaviel Vilareyo escribió en Fusión Asturias un artículo mensual bajo el nombre Una hora menos en Miranda. Aquí se puede encontrar la recopilación completa de estos trabajos.

Directorio de empresas

silvota_trabajador

Directorio de  Guía de Asturias

Números publicados

portadas

Concejos

mapa_asturias_p