Imágenes de Asturias

descargar


Suscríbete

Recibe cada mes el sumario en tu correo

Quién está en línea

Tenemos 358 invitados conectado(s)
Opinión Firmas Xaviel Vilareyo El suicidiu en Les Asturies

El suicidiu en Les Asturies

Imprimir E-mail
(3 Votos)
Escrito por Xaviel Vilareyo   
Miércoles, 28 de Mayo de 2014 12:36
El suicidiu en Les Asturies 5.0 out of 5 based on 3 votes.
Les Asturies ye'l territoriu peninsular con mayor índiz de suicidios y unu de los más altos del mundu. Esta terrible constante va camín de convertise nuna macabra seña d'identidá de Les Asturies y del comportamientu vital de los asturianos.
xaviel vilareyoUna de les últimes tases pa la provincia d'Uviéu da una cifra de respigu qu'algama al 16,68 sobre 100.000 habitantes, la más elevada de tola península. Pal territoriu de la provincia de Sanander la tasa baxa al 8,85 pero la tasa pa esta provincia ye engañosa pues la tasa aumentaría pal territoriu occidental d'Asturies de Santiyana disminuyendo abondo hacia l'oriente onde les cifres aseméyense más a les del País Bascu que ye con Madrid los territorios con tases de suicidiu más baxes. En Galicia la provincia cola tasa más alta ye Lugo que corrobora'l factor d'agregación o proximidá con Les Asturies.
¿Cuáles son les causes que fain de Les Asturies el territoriu coles mayores tases de suicidiu? Tamos refiriéndonos a hipótesis de causes de suicidiu y non a datos empíricos que respuendan a la causa-efectu causáu. Una d'eses hipótesis fundaméntase nel clima, na orografía, una menor exposición a la lluz solar con predisposición a la depresión. Esta hipótesis nun tien certeza yá que nun desplicaría por qué la tasa de suicidiu de Les Asturies supera la de países nórdicos con menos sol nin tampoco xustifica que seya Andalucía la segunda comunidá cola tasa más alta. L'elementu montañosu o altitú tampoco ye una causa considerable al tar constatao que l'altitú produz euforia lo que podría anular o amenorgar los efectos depresivos d'una menor esposición solar. El fracasu económicu nun se suel considerar como una causa de suicidios yá qu'éstos prodúcense muncho más nos países bayurosos que nos probes. Nun hai una sola causa sinón un conxuntu: alcoholismu, drogadicción, aisllamientu... y nun podemos desechar les causes culturales y nin les razones antropolóxiques o etnolóxiques.
Pa desplicar la predilección antropolóxica de los asturianos por soluciones de suicidiu nun l'atopo en causes físiques, climátiques, económiques o siquiátriques. La causa principal creo que ye l'elementu cultural. El suidiciu n'Europa dase más en países protestantes y menos en países católicos onde'l conceptu de "culpa" ye siempre redimible. La idea antropolóxica del suicidiu nun ye la mesma nes diferentes cultures. Na cultura céltica el suicidiu considerábase un actu de valor heroicu y almirable pa evitar un mal o deshonra. Igual na xaponesa. Pa la tradición romana el suicidiu considerábase un actu despreciable o cobarde, un recursu eutanásicu "prácticu" o "fácil" pa evitar sufrimientos o enfermedaes pero carente siempre d'una filosofía xustificadora. Yera incluso una sanción o pena. Na Grecia clásica negábase a los suicides los honores cortándose-yos una mano que se sepultaba aparte. La tradición xudeo-cristiana afonda nel refugu total al suicidiu como contrariu a lo moralmente aceptable, asimilando la idea del suicidiu a la d'un crimen.
Nes Asturies hubo una menor romanización y conservó una mayor cultura celta. La cultura cristiana consolidóse más tarde y a través d'un sincretismu paganu. La culpa, l'arrepentimientu y el perdón son pegoyos básicos del cristianismu. Esta cultura redencionista furrula antropolóxicamente a modu de "comodín" moral facilitando la superación de tolos obstáculos. Incluso la herexía podía perdonase según esti conceptu de la culpa.
Pa desplicar la predilección antropolóxica de los asturianos por soluciones de suicidiu nun l'atopo en causes físiques, climátiques, económiques o siquiátriques. La causa principal creo que ye l'elementu cultural. La escasa cultura xudeo-cristiana y católica de la culpa y del reconocimientu de la mesma como factor determinante.
Estes disertaciones son frutu de la reflexón que me produxo la conocencia de dos fechos tráxicos ocurríos nun mesmu día: la muerte accidental de dos cazadores ocasionada por distintos disparos d'otros dos cazadores en Galicia y n'Asturies. El cazador gallegu que mató a un mozu por desvíu involuntariu del disparu asumió la "culpa" culturalmente acordies cola tradición cristiana afrontando los fechos. Sin embargu, el cazador asturianu que mató accidentalmente a otru cazador decidió suicidase llueu de conocer el fechu tráxicu. La única respuesta ye una causa cultural. El cazador gallegu sabía que la so culpa perdonaríase mentantu que'l cazador asturianu guiábase pola idea precristiana del "honor", onde la idea antropolóxica de la culpa ye totalmente secundaria pues lo dominante ye la pérdida irreparable del honor que nunca se podrá recuperar más que col suicidiu. La mesma idea cultural de culpa y honor d'aquellos valerosos guerreros asturcántabros que derrotaos se suicidaben por nun llograr ganar una batalla o por nun llograr una honrosa aspiración.El suicidiu en Les Asturiesscroll back to top
 

Una hora menos en Miranda

Entre 2008 y 2014, Xaviel Vilareyo escribió en Fusión Asturias un artículo mensual bajo el nombre Una hora menos en Miranda. Aquí se puede encontrar la recopilación completa de estos trabajos.

Directorio de empresas

silvota_trabajador

Directorio de  Guía de Asturias

Números publicados

portadas

Concejos

mapa_asturias_p