Imágenes de Asturias

descargar


Suscríbete

Recibe cada mes el sumario en tu correo



Quién está en línea

Tenemos 91 invitados conectado(s)
Opinión Firmas Xaviel Vilareyo Entrega de Premios del 7u Festival de Cine Asturianu

Entrega de Premios del 7u Festival de Cine Asturianu

Imprimir E-mail
(18 Votos)
Escrito por Xaviel Vilareyo   
Lunes, 01 de Agosto de 2011 12:28
Entrega de Premios del 7u Festival de Cine Asturianu 4.9 out of 5 based on 18 votes.
El pasáu día 9 de mayu del 2011 tuvo llugar en Madrid la entrega de premios del 7u Festival de Cine Asturianu, un certame que quier dar a conocer el cine realizáu polos asturianos y qu’ésti añu algamó yá la sétima edición.
Una hora menos en MirandaLos curtiumetraxes Díes perdíos, un escelente diálogu d’actores del realizador Senén Fernández y Puntu, una poética güeyada al mundu de los más vieyos, dirixida por Eva Gallego resultaron ser les obres premiaes na 7a edición del Festival de Cine Asturianu nes categoríes de meyor curtiumetraxe en castiellanu y n’asturianu respectivamente. La entrega de premios tuvo llugar nel Atenéu de Madrid, llugar onde nació’l Festival de Cine Asturianu un 27 d’abril del 2005 pa celebrar el primer Centenariu del cine asturianu. Como meyor película premióse nesta ocasión a L’horror de la dama del llagu, una orixinal realización del xéneru de misteriu y terror del realizador avilesín Diego Váquez. Como meyores actores recibieron los premios Jesús Pardo, por Díes perdíos y Almudena Gallego por Anorexia, dirixida polos hermanos Prada. La productora ovetense Hi-Video recibió’l Premiu al Meyor Documental pol trabayu tituláu Concejo de Tineo naturaleza a la carta, premiu qu’entregó Gil Parrondo. El guionista y cineasta asturianu Florentino Soria (Xixón, 1917) entregó los premios al meyor curtiumetraxe en castiellanu y a la meyor película mentantu Gil Parrondo entregó los premios al meyor documental y al meyor curtiu n’asturianu. Los premios a los actores entrególos la directora y guionista Rocío García. Los xuraos nesta edición fueron los realizadores Teresa Marcos, Iñaki Ibisate y Ángeles Muñiz, premiaos y participantes n’anteriores ediciones del Festival de Cine Asturianu. El cine asturianu tien dende antigu una fonda relación cola lliteratura y coles obres lliteraries feches por asturianos. Mui filmaes fueron les obres y noveles d’Armando Palacio Valdés, Alejandro Casona o Leopoldo Alas y abondes obres lliteraries d’otros autores asturianos lleváronse tamién a les pantalles del cine.
La entrega de premios tuvo llugar nel Atenéu de Madrid, llugar onde nació’l Festival de Cine Asturianu un 27 d’abril del 2005 pa celebrar el primer Centenariu del cine asturianu. El Festival nesta edición quiso rendir un homenaxe a los guionistes asturianos, en concreto al gran Carlos Blanco Hernández (Xixón, 1917), autor de los guiones y argumentos de películes como Los pexes coloraos, Cuando llegue la nueche, La princesa de los Ursinos, Les agues baxen negres, Don Xuan o La espada prieta, ente otres. El Festival rindió un merecíu homenaxe a esti guionista xixonés que sufrió reclusión debío a la so participación activa na Guerra de 1936 defendiendo a la República. Antes de la entrega de Premios tamién se faló ante’l públicu de les dificultaes y de la situación de los guionistes na industria del cine en xeneral, repasando en concreto la trayectoria vital y cinematográfica de dos grandes guionistes asturianos como són los xixoneses Florentino Soria y Carlos Blanco, que vivieron nel pasáu una época difícil d’enfrentamientos allugaos en dos bandos diferentes. Nel actu Florentino Soria cuntó y repasó tola so trayectoria nel mundu del cine reconociendo que él yá almiraba la fama de Carlos Blanco como guionista nos años 1940 antes de participar él mesmu na industria del cine. Amás de guionista y profesor de la escuela oficial de Cine, Florentino Soria foi presidente de la Filmoteca Hespañola durante años. El Festival tamién cuntó cola participación y presencia de Raimundo García (Carreño, 1956), guionista y director tamién de dos películes: Nos va la marcha y Cuballibre, que llueu d’emponderar mui positivamente’l llibru de Xaviel Vilareyo presentáu faló de la relación a vegaes difícil de los guionistes y los directores según la so propia esperiencia. El Festival presentó en Madrid el llibru “Historia del cine asturianu” de Xaviel Vilareyo, editáu recientemente por Espublizastur, que tuvo mui bona acoyida. A la Gala d’Entrega de Premios asistieron los cineastes nominaos y otres personalidaes del mundu del cine y la televisión como los yá citaos Florentino Soria, Gil Parrondo, Raimundo García, María Casal, Lola López, Kiko y Javier Prada, Javier Longas, Rocío García, Miguel Losada y Alfonso Suárez.

vilareyo-festival-cine
 

Directorio de empresas

silvota_trabajador

Directorio de  Guía de Asturias

Números publicados

portadas

Concejos

mapa_asturias_p