Imágenes de Asturias

descargar


Suscríbete

Recibe cada mes el sumario en tu correo

Quién está en línea

Tenemos 534 invitados conectado(s)
Opinión Firmas Xaviel Vilareyo Un cuentu d’Añu Nuevu

Un cuentu d’Añu Nuevu

Imprimir E-mail
(16 Votos)
Escrito por Xaviel Vilareyo   
Martes, 03 de Enero de 2012 12:42
Un cuentu d’Añu Nuevu 5.0 out of 5 based on 16 votes.
María llegó a casa toa escalentada y frayada polos tacones. Gustába-y exercitase tolos díes subiendo d’una sola carrera pal quintu pisu onde vivía, pa fortelecer asina los glúteos polo menos.
Una hora menos en Miranda A los cuarenta y cuatro años suyos yá nun tenía tiempu abondu pa gastalu nel ximnasiu del barriu en saliendo de la peluquería onde trabayaba nin tenía tampoco ganes de soportar aquelles niñates calenturientes y escuchimizaes que lu frecuentaben toles tardes. Bueno, María acuriosaba y pintaba tamién les uñes a les clientes nel negociu y eso yera un plus salarial, pero que non, qu’había que camudar y ponese en plan porque la cosa económica yá nun estiraba pa tanto. María punxo la cara engurriada cuando pensó en tolo que tenía que facer entá per casa: llamar al de la caldera estropiada, sacar tola ropa d’hibiernu, mudar les sábanes, dir comprar los regalos, escribir y mandar les tarxetes, dir cambiar de bancu antes de que quebrara... enfín, que yera avientu y amás de les rutines del vezu diariu y anque viviera sola y bien rellambida había amás abondo por facer nestes típiques feches navidiegues. Por exemplu, tenía fecho un llistáu ampliu d’artículos y utensilios que tenía la intención de comprar enantes de que subiera l’IVA en xineru, pero nada de ropa, eso sí, pensaba, qu’esti añu pola crisis diba llevase lo retro, esto ye, lo mesmo que nos años anteriores. Y si acasu, yá tenía nel caxón tinte abondo pa teñir ropa de negro y llisto, como si fuera nuevo. Lo negro nunca pasa de moda, siempre ye elegante y sufríu y encima fai más delgada, camentó con xixa.
Ún d’estos díes plomizos y galbaniegos María decidió que pa nun deprimise más de la cuenta en navidaes habría escribir una llarga riestra de propósitos d’enmienda pa cumplir obligatoriamente nel Añu Nuevu.
Ún d’estos díes plomizos y galbaniegos María decidió que pa nun deprimise más de la cuenta en navidaes habría escribir una llarga riestra de propósitos d’enmienda pa cumplir obligatoriamente nel Añu Nuevu. Non, meyor escribiría un diariu, sí, un diariu que ye más románticu, pensó. Como Bridget Jones, la so heroína que tanto almiraba. Eso ye lo que diba facer nestes feches, un diariu colos propósitos de renovación y meyora. Añu Nuevu, zunes nueves. ¿Qué actitúes tomar y cómo facer entós ante’l recorte salarial de la empresa que se-y venía encima como un argayu aguarón? Y entamó los apuntes del so diariu con unes cuantes idees d’axuste técnicu que-y paecieron perguapes y amañoses de momentu.
A partir de xineru María escomenzará una nueva dieta d’adelgazamientu y comprará sólo chocolate, margarina, cremes y yogures de marques blanques. Y espaguetis, munchos espaguetis a mamplén de tamañu familiar que según Raffaella Carrá nunca engorden. Cambiaría toles bombielles de casa por fluorescentes y pa los momentos íntimos prendería lámpares d’aceite que són aínda más ecolóxiques. Pero nada de nada de volver trayer pa casa a ligues baratos y esfamiaos que siempre comen muncho y lo empuerquen tou y llueu ye una lata de llimpiar. Tamién podía matriculase naquel cursu gratuítu de fabricación de xabones y cosméticos caseros que tanto-y diba prestar. Cortaríase’l pelo a lo garsón p’aforrar en tintes y en peluquería y tamién recortaríase les uñes y dexaría de pintales llevando siempre guantes, como la reina d’Inglaterra, que les manicures cada vez resulten más cares. vilareyo_eneroApuntó nel diariu más coses como llevar petaca siempre nel bolsu y non sólo los sábados como hasta agora; rellenar el frascu de Dona Karan con colonia de Nenuco pa dar el pegu; comprar muncha nivea y betadine pa entemecer; dexar el móbil en casa los díes pares; convencer a les sos amigues Sara y Marga pa dir facer la compra xuntes al 3x2 tolos meses; baxase del taxi trés o cuatro cais antes de casa o subir al autobús y preguntar al conductor coses hasta baxase na siguiente parada ensin pagar. ¡Había que recortar gastos y axustase nel Añu Nuevu!
Tou, tou apañu o cuasi tou podía ser posible p’axustar gastos y nun endeldase más nin pidir más préstamos absurdos. Tou yera posible menos dexar de fumar trés paquetinos de rubiu al día y dicir adiós al güisqui. ¡Eso nin tocalo, guapina! ¡Antes muerta qu’abstemia!
Y María fizo sonar entós nel salón de casa el so discu yá cuasi rayáu de Luis Miguel de la que se disponía a tastiar una vez más repanchingada nel sofá sintéticu de cebra el so escocés favoritu con dos piedriquines de xelu.scroll back to top
 

Una hora menos en Miranda

Entre 2008 y 2014, Xaviel Vilareyo escribió en Fusión Asturias un artículo mensual bajo el nombre Una hora menos en Miranda. Aquí se puede encontrar la recopilación completa de estos trabajos.

Directorio de empresas

silvota_trabajador

Directorio de  Guía de Asturias

Números publicados

portadas

Concejos

mapa_asturias_p