12.1 C
Oviedo
viernes 29, marzo 2024

Notes pa una Historia de l’Antropoloxía Asturiana

Lo más leído

¡Haz clic para puntuar esta entrada!
(Votos: 0 Promedio: 0)

Los primeros datos sobre la cultura de los asturianos són de cronistes como Varrón, Estrabón, Siliu Itálicu, Piniu’l Vieyu o Columela que describen costumes y ritos como la covada, el matriarcáu, la sidra y formes d’economía colectiva. Ellos describen un territoriu de monte a mar onde viven unos pueblos, tribus y xentilidaes qu’ellos nomen como cántabros, vadinienses, llugones, pésicos o albiones, dándose-yos a toos ellos unes característiques culturales comunes, inmersos nuna corriente cultural céltica contraria al sometimientu de Roma y que sólo mediante la guerra podrán asimilar tardíamente.
Xeográficamente dende’l sieglu V conozse como Asturia a un llargu territoriu eclesiásticu aislláu que va de los montes a la mar y del Eo al Mena. La etnoxénesis del Reinu d’Asturies nel 718 otorga relevancia política a esti territoriu. Les Cróniques de la Monarquía asturiana y cartularios ofrecen información relevante. Nel XVI Eugenio de Salazar o Alfonso de Carbayo dexen constancia de les peculiaridaes d’esti territoriu, amás de les cróniques de viaxeros posteriores como Laurent Vital, Pellegrino Zuyer, el Barón Dillon, Joseph Townsend, Richard Ford o Xovellanos.
L’antropoloxía asturiana propiamente dicha escomienza con Gumersindo Laverde (1835 – 1890) y la so visión unitaria de la cultura de lo qu’él denomina «civilización asturiana» similar al conceptu de nación cultural. Laverde ye’l creador de la teoría de la cultura asturiana. Él ye’l primeru en disertar sobre la esencia de lo asturiano y l’asturianidá. Fundó la revista Las dos Asturias (1865) y publicó pioneros trabayos de mitoloxía asturiana y de bable.
Los estudios sobre folclor, llingua y tradiciones populares van continuar per tol sieglu XIX.
L’antropoloxía asturiana propiamente dicha escomienza con Gumersindo Laverde (1835 – 1890) y la so visión unitaria de la cultura de lo qu’él denomina «civilización asturiana» similar al conceptu de nación cultural.En 1881 naz el Grupu La Quintana investigando sobre la cultura tradicional asturiana formáu por Fermín Canella, Julio Somoza, Braulio Vigón, Fortunato Selgas, Ciriaco Miguel Vigil y Fuertes Acevedo.
En 1882 surde La Ilustración Cantábrica, revista onde publiquen trabayos Antonio Balbín, Faustino Menéndez Pidal o Rodríguez Sampedro y tamién créase la Sociedad Demológica Asturiana. Nel mesmu añu Fermín Canella publica en La Revista de Asturias un proyectu d’estudiu sistemáticu de tolos usos y tradiciones d’Asturies que van apaecer en 1886 col nome de Estudios asturianos. Y en 1894 apaez el primer fascículu enciclopédicu de Asturias, obra impulsada por Octavio Bellmunt y Fermín Canella. Nesta primer xeneración novecentista hai que destacar a otros folcloristes ya investigadores de la mitoloxía y etnoloxía asturianes como Bernardo Acevedo, Rogelio Jove, Acacio Cáceres, Eugenio Olavarría, Antonio Fernández Martínez, Aniceto Sela, Rafael Altamira y Hermilio Alcalde del Río.
Nuna xeneración posterior d’investigadores de la cultura asturiana atopamos a Aurelio del Llano, Luis de Hoyos Sainz, Fausto Vigil, Constantino Cabal, Juan Uría Ríu, Adriano García Lomas, Purificación Viyao, Nél Llano, José Manuel González y a Fernández Pajares. Nel ámbitu de la investigación etnomusicolóxica asturiana destaquen Sixto de Córdova, Nemesio Otaño y Eduardo Martínez Torner. Nel campu de l’antropoloxía llingüística: Juan Junquera, Apolinar Rato, Ake Munthe, Juan González Campuzano, Eduardo de Huidobro, Ramón Menéndez Pidal, Fritz Krüger, Lorenzo Rodríguez Castellano, María Xosefa Canellada, ente tantos otros.
Nel sieglu XX nacen les primeres instituciones interesaes na investigación etnolóxica y antropolóxica de la cultura asturiana como’l Centro de Estudios Asturianos (1920), el Centro de Estudios Montañeses (1934) o el IDEA (1946).
La institucionalización académica de l’Antropoloxía y Etnoloxía nos estudios superiores nun va llegar hasta los años 1960 na Universidá d’Uviéu dientro la Sección de Prehistoria, impartida polos profesores Ramón Valdés y José Manuel Gómez-Tabanera, interesándose por periodos como l’Asturiense. La creación de la Universidá de Santander en 1972 fairá posible l’estudiu antropolóxicu na llicenciatura d’Historia col profesor Eloy Gómez Pellón.
D’esta época són los primeros museos como’l Muséu Etnográficu de Muriedas (1966) y el Muséu del Pueblu d’Asturies (1968), asina como les primeres instituciones privaes como l’Institutu d’Etnografía y Folclore Hoyos Sainz (1967) dirixíu por Joaquín González Echegaray.
La llista d’antropólogos y etnógrafos más actuales qu’estudien les peculiaridaes culturales del territoriu de Les Asturies ye anguañu mui grande, publicándose cada vegada más interesantes trabayos sobre munchos temes: arquitectura, fiestes, organización social, derechu, economía, arte y tradiciones… con trabayos como los de Ramón Baragaño, Julio Braun, Mercedes Cano, Luciano Castañón, María Cátedra, Gustavo Cotera, José Manuel Feito, Efrén García, Jesús García, Pedro Gómez, Modesto González, Armando Graña, Xuacu López, Benito Madariaga, Elviro Martínez, Antonio Montesino, José Luis Pérez de Castro, Fe Santoveña, Ramón Sordo, Susan Tax, Francisco Tuero…Notes pa una Historia de l’Antropoloxía Asturiana

¡Haz clic para puntuar esta entrada!
(Votos: 0 Promedio: 0)

Más del autor /a

DEJA UNA RESPUESTA

Por favor ingrese su comentario!
Por favor ingrese su nombre aquí

- Publicidad -

Últimos artículos