12.1 C
Oviedo
viernes 29, marzo 2024

L’asturianu presente nel marcu européu

Lo más leído

¡Haz clic para puntuar esta entrada!
(Votos: 0 Promedio: 0)

Xunta xeneral de la Rede Europea pola Igualdá de les Llingües en Barcelona.
Los delegaos de la xunta xeneral d’ELEN (Rede Europea pola Igualdá de les Llingües), entidá europea de la que forma parte Iniciativa pol Asturianu, fueron recibíos pol President de la Generalitat, Carles Puigdemont, nel Palau de la Generalitat. L’actu, nel que tamién tuvo presente’l Conseyeru d’Esteriores, Raül Romeva, consistió nun alcuentru y una visita al edificiu.
El presidente d’Iniciativa pol Asturianu, Inaciu Galán, pudo tener un alcuentru y falar col presidente catalán, que s’interesó pola situación de la llingua asturiana, entrugando pol compromisu de los políticos asturianos col futuru del idioma y pol Rei Felipe VI, interesándose por si agora o nel tiempu como Príncipe d’Asturies facía dalgún usu del asturianu nos actos en territoriu astur, yá que según esplicó Puigdemont, tanto él como la Reina Letizia falen un catalán mui correctu. El presidente reaccionó con sorpresa al saber por Inaciu Galán que Felipe VI nunca utiliza l’asturianu nes sos visites a Asturies.

Iniciativa pol Asturianu presentó énte los miembros de les más de 40 comunidaes llingüístiques de toa Europa presentes nesti alcuentru, la situación del asturianu y les novedaes positives y negatives que surdieron nos dos años caberos n’ámbitos como’l sistema educativu, los medios de comunicación o la toponimia.
La comunicación xeneró muncho interés ente les persones asistentes dende tolos requexos d’Europa. Según esplicó Galán «la llingua asturiana conozse ente les demás comunidaes llingüístiques d’Europa, pero sábense pocos detalles de la so situación y fáenmos munches entrugues sobre la so presencia nes escueles o sobre l’estatus llegal. Siempres sorprende muncho que nun seya oficial como’l restu de llingües nel estáu español».

¡Haz clic para puntuar esta entrada!
(Votos: 0 Promedio: 0)

Más del autor /a

DEJA UNA RESPUESTA

Por favor ingrese su comentario!
Por favor ingrese su nombre aquí

- Publicidad -

Últimos artículos