8.4 C
Oviedo
jueves 28, marzo 2024

Iniciativa pol Asturianu lleva a Holanda les diez pallabres favorites de los asturianos

Lo más leído

¡Haz clic para puntuar esta entrada!
(Votos: 0 Promedio: 0)

La organización participa nel Language Pavilon llevando diez pallabres escoyíes d’ente les propuestes.

iniciativa-284
Nel 2018 de Ljouwert/Leeuwarden ye la Capital Europea de la Cultura y una de les iniciatives ye un Pabellón de les Llingües, nel van llucir les diez pallabres asturianes escoyíes nuna campaña en redes sociales que celebró Iniciativa pol Asturianu con gran repercusión. Esti eventu tamién va acoyer una selmana d’actividaes sobre l’idioma.
El coleutivu de defensa del frisiu Afûk, que coordinó les aiciones del Día Internacional de les Llingües Minorizaes en Redes Sociales, na que tamién participemos, ta detrás d’esta iniciativa cola que pretende dar visibilidá a los idiomes minorizaos aprovechando esti eventu de tanta repercusión a nivel européu y mundial. Asina, va llevantase un Pabellón de les Llingües que va llucir nel so techu pallabres en multitú d’idiomes minorizaes y l’asturianu va tener un güecu nél.
Iniciativa pol Asturianu collaborara nesti proyeutu y la organización decidió llanzar una campaña en redes sociales pa que fueren los propios asturianos y asturianes les qu’escueyeren cuáles teníen de colocase nel Pabellón de les Llingües. Asina, animemos a tolos usuarios a suxerir la so pallabra preferida xunto cola etiqueta #PallabresLP18 en Twitter, Facebook o Instagram, tanto pela so cuenta como nes espublizaciones de la propia asociación.

Les pallabres escoyíes son:
orbayu, l’: sust. Aición y efeutu d’orbayar. 2 Agua [menudo que cai al orbayar]. 3 Rosada, agua o humedá de l’atmósfera [que condensa sobre les plantes, sobre los oxetos nes nueches fresques].
reciella, la: sust. Conxuntu [d’oveyes, de cabres, de gochos que se críen en casa]. El Turneso anueche mató reciella.2 Conxuntu [de les críes d’un animal]. 3 Conxuntu [de neños]. 4fam. Xente [de poca importancia, de mala calaña].
collaciu, -a, el/la: sust. Compañeru [nun trabayu]. 2 Persona [que recibe un tratu d’afeutu, de confianza d’otra persona a la que se-y da esi mesmu tratu].
esguil, l’: sust. Mamíferu royedor del xéneru Sciurus [de pelo roxo y rabu llargu y peludu, qu’esguila pelos árboles]. 2 Páxaru [qu’esguila pelos árboles]. || Esguil volador, mamíferu royedor del xéneru Sciurus, [que tien membranes ente los deos que lu dexen volar dende los árboles].
señaldá, la: sust. Sentimientu de tristura [que se tien pola falta o ausencia de daqué o de daquién]. Tengo señardá de cuando neñu. 2 Miseria, falta de les coses más necesaries pa vivir. L’otru añu hubo un añu de señardá.
naguar: v. Pasar o tener muncha gana de [daqué]. El neñu nagua por dir col tíu al circu. 2 Criar agua na boca [por ganes de comer, de beber]. 3 Ablucar, plasmar. 4 Atascar, trabar [el molín por haber muncha agua]. 5 Enllenar [d’agua una tierra]. || A naguar, ente agua [un alimentu pa qu’amoyente].
sofitu, el: sust. Aición y efeutu de sofitar o sofitase. 2 Maderu, palu o cosa [con que se sofita daqué o daquién]. 3 Elementu, factor [esencial de daqué]. La llingua ye’l sofitu de la cultura.
ciñu, el: sust. Antoxu, caprichu. 2 Afeutu, estima. A esta neña téngo-y munchu ciñu.
seronda, la: sust. Estación [del añu que ta ente’l branu y l’iviernu]. 2 Pación [primero que se siega dempués de la yerba]. 3 Collecha [que se paña dempués del branu].
xeitu, el: sust. occ. Mou, manera [de facer les coses, de movese, de comportase]. 2 Allugamientu [correutu y ordenáu de les coses, d’un sitiu]. 3 Aspeutu, manera [que tien daqué o daquién d’amosase a la vista]. 4 Habilidá, capacidá [pa facer daqué]. El neñu nun ponía xeitu. 5 Capacidá [pa pensar, pa razonar]. 6 Sitiu [afayadizu, amañosu pa daqué]. || A xeitu, de manera correuta. || Con xeitu, bien, de bona manera, curioso. || De mal xeitu, apartándose de la direición correuta. || De xeitu, de llau. || Facer xeitu, poner arremangu.

 
¡Haz clic para puntuar esta entrada!
(Votos: 0 Promedio: 0)

Más del autor /a

DEJA UNA RESPUESTA

Por favor ingrese su comentario!
Por favor ingrese su nombre aquí

- Publicidad -

Últimos artículos