Imágenes de Asturias

descargar


Suscríbete

Recibe cada mes el sumario en tu correo

Quién está en línea

Tenemos 576 invitados conectado(s)
Opinión Firmas Xaviel Vilareyo Gumersindo Laverde, asturianu d'Asturies

Gumersindo Laverde, asturianu d'Asturies

Imprimir E-mail
(13 Votos)
Escrito por Xaviel Vilareyo   
Jueves, 28 de Mayo de 2009 14:49
Gumersindo Laverde, asturianu d'Asturies 4.7 out of 5 based on 13 votes.
Nació'l 5 d'abril de 1835 nel pueblu d'Estrada (Asturias de Santiyana) Fíu de Toribio Laverde, natural de San Vicente de la Barquera y d'Asunción Ruiz de Lamadrid, de Labarces, Estudió nes Universidaes d'Uviéu, Madrid, Valladolid y Salamanca, doctorándose en Derechu y Filosofía. La so primer poesía publícase en 1852 y titúlase "La noche y la soledad". En 1862 oposita a varies cátedres obteniendo una nel Institutu de Lugo, onde casó con Josefina Gayoso. Xaviel Vilareyo. Gumersindo Laverde, asturianu d'AsturiesDe los cuatro fíos suyos sobreviven dos: Pura y Jesús. Publica en 1868 los "Ensayos críticos sobre Filosofía, Lliteratura e Instrucción", el restu de los sos abondos ensayos y poemes remanez esperdigáu en periódicos y revistes Académicu de la Real Academia Hespañola y de la Historia. En 1873 concursa a les cátedres de Lliteratura llatina de les Universidaes de Valladolid y Santiago, aprobando les dos y optando pola primera, qu'en 1873 permuta pola de Lliteratura siendo llueu Decanu de Filosofía y Lletres. En 1874 formó parte del tribunal que-y concede'l Premiu de Llicenciatura a Marcelino Menéndez Pelayo, entamando una fonda amistá y colaboración con él. En 1876 marcha pa la mesma cátedra pero en Santiago, aquexáu por una enfermedá que-y producía grandes dolores, pa lo que'l clima norteñu-y favorecía, ciudá na que va morrer un 12 d'ochobre de 1890, a la edá de 55 años de fecunda vida lliteraria. En morriendo, la so vilda envió'l so archivu a Menéndez Pelayu cola idea de qu'editara toles sos obres, cosa que nun se pudo facer pola muerte del eruditu santanderín. En 1952 publicáronse les poesíes de Laverde. La tierra qu'él señardaba, que guio los sos primeros pasos yera tierra montañesa, la so Estrada natal, nes Asturies de Santiyana y les Asturies d'Uviéu. Dambes Asturies convivieron siempre nel so afectu y a les dos se refier siempre en tolos sos proyectos, pues xuntes considerábales xeográficamente y asina quería veles na so alministración pública y cultura.
El so amor a la tierruca ye total, nada que a la so tierra pueda interesar pasa pa él inalvertío. La so defensa del ferrocarril del cantábricu, la so ansiedá por conocer tolos movimientos lliterarios, la so collaboración con Menéndez Pelayo o con Pereda en tolos sos proyectos, fálanos d'una mente activa y creadora como la de Gumersindo Laverde.La llista de periódicos y revistes nes que publicó los sos bayurosos ensayos y poemes y nos que se dio a conocer como elegante prosista y como poeta del romanticismu patéticu y amorosu ye mui llarga. Dexó amás abondos artículos y versos inéditos.
L'asturianismu de Laverde refléxase tamién nes sos cartes a los sos amigos Marcelino Menéndez Pelayo, Juan Valera, Ramón Huerta Posada o José María de Pereda que son exemplu de prosa elegantísima, d'estilu llimpiu y distinguíu, sellu inconfundible d'un poeta con espíritu y sentimientu, sensible ante'l dolor y ante tou proyectu qu'afectara a la cultura o al progresu material y espiritual de la tierra, de Les Asturies. El so amor a la tierruca ye total, nada que a la so tierra pueda interesar pasa pa él inalvertío. La so defensa del ferrocarril del cantábricu, la so ansiedá por conocer tolos movimientos lliterarios, la so collaboración con Menéndez Pelayo o con Pereda en tolos sos proyectos, fálanos d'una mente activa y creadora como la de Gumersindo Laverde. A Pereda cuénta-y sucedíos novelescos y describe-y tipos y costumes populares que cree útiles pa les sos noveles y a Menéndez Pelayo anímalu a crear la Biblioteca de Traductores. El fallecimientu de Laverde afectó abondo a Menéndez Pelayo que lu reconoció como'l so maestru yá que munchos de los sos trabayos nun se tendríen fecho ensin l'estímulu de Laverde. Laverde crea un nuevu tipu de versu y métrica poética: el versu laverdaicu, de nueve sílabes. Asturies ye pa Laverde los paisaxes, les lleendes, la mitoloxía, la historia y la patria de los llugares d'almiración memorable.
En 1865 publica Las dos Asturias, almanaque para utilidad y recreo de las provincias de Oviedo y Santander, compuesto por un montañés asturiano, qu'él mesmu definió como llibru afalagador pal patriotismu asturianu. Foi ésta una de les actividaes más ilusionantes de Laverde en tola so vida, la defensa apasionada de la xuntura de les Asturies d'Uviéu y de Santiyana: no cultural y no político, no eclesiástico y universitario creando un solu arzobispáu y distritu; na almisnitración de Xusticia con una sola Audiencia territorial; no militar con una sola capitanía xeneral, la rexuntura agrícola, industrial y artística, celebrando congresos, exposiciones y certámenes; el cultu a les glories y tradiciones patries pidiendo la creación en Cuadonga d'un Panteón d'Asturianos Ilustres de los dos territorios históricos, la creación d'una Academia Asturiana del Bable o Asturianu que ficiera un diccionariu de los trés dialectos la creación d'una Cátedra de Bable na Universidá d'Uviéu; la xuntura, en fin, en too y pa tolo honesto, lo guapo y útil, proponiendo la Gumersindo Laverdecreación d'infraestructures pa fomentar un comerciu ente Les dos Asturies, como'l ferrocarril Uviéu-Santander. Asina entendía Laverde la unión de Les dos Asturies: "Trabayar solidariamente na obra de la so común civilización, a la vez que na de la civilización xeneral de la península, como parte principal que són de la nacionalidá ibérica". La primer fueya del so Almanaque de Les dos Asturies entámala con una frase histórica d'Alfonso de Carbayo: "Divide Plinio los Asturianos n'augustanos y tresmontanos. Los augustanos vivíen d'estotra parte de los Montes d'Europa y los tresmontanos hacia'l mar septentrional, los cuales hasta hoi conserven el nome d'Asturianos, dividíos en dos provincies, llamaes la una de Santiyana y la otra d'Uviéu.". En tolos llugares Gumersindo Laverde díxose asturianu, asturianu de Les Asturies y la so obra almirable ye testimoniu imperecederu de la so asturianidá exemplar. §scroll back to top
 

Una hora menos en Miranda

Entre 2008 y 2014, Xaviel Vilareyo escribió en Fusión Asturias un artículo mensual bajo el nombre Una hora menos en Miranda. Aquí se puede encontrar la recopilación completa de estos trabajos.

Directorio de empresas

silvota_trabajador

Números publicados

portadas

Concejos

mapa_asturias_p