Trespasóse la llende de los 2 graos afitada nel Alcuerdu de París, per dos díes, en payares del 2023. Ye la primer vegada y un avisu de la mayor rapidez qu’algama el calentamientu climáticu respeuto a la dómina preindustrial (1850).
Cuasi 200 estaos roblaron l’Alcuerdu de París en 2015 col oxetivu de caltener la temperatura media mundial per baxo de 2 graos respeuto a la dómina preindustrial y llendala a 1,5 graos. D’esta miente, 2023 foi l’añu cola temperatura más alta rexistrada.
El planeta empobina a un xorrecimientu de 3 graos según el Programa de les Naciones Xuníes pal Mediu Ambiente. Lo que fai necesario amenorgar fondamente les emisiones de gases ivernaderu.
Les consecuencies a curtiu plazu sedrán el medre de la mortalidá relacionada col calor. Malures tresmitíes polos alimentos, l’agua y vectores animales como mosquitos. Inundaciones nes costes, perda de biodiversidá en tolos ecosistemes. Foles de calor y seques de mayor fuercia y frecuencia, más ciclones, desertificación y fueos.
Les consecuencies a curtiu plazu sedrán el medre de la mortalidá relacionada col calor. Malures tresmitíes polos alimentos, l’agua y vectores animales como mosquitos.
Pero dengún país del G20 ta faciendo por baxar les emisiones col envís de cumplir los oxetivos roblaos. Promeses valeres mui peligroses si nun se cumplen.
Poro, les midíes d’anguaño escontra’l cambéu climáticu avérenmos a una xuba de 3 graos ensin control. El duple del oxetivu más pesimista del Alcuerdu de París.
El secretariu xeneral de la ONX declaró que “Más qu’una fienda ye un escobiu” y añadió “un escobiu empedráu con promeses francíes, vides francíes y récors valtaos.”
El 2024 afonda nel calentamientu climáticu, ensin perspeutives de camudar esa tendencia. Pesie a les alvertencies científiques, síguese pel mal camín. Del que nin Asturies se llibra.