¡Haz clic para puntuar esta entrada!
(Votos: 0 Promedio: 0)
Soi les muyeres tristes de Lorca,
la rexón na qu’habita l’olvidu de Cernuda,
los ríos y les fontes de Rosalía de Castro,
los llabios que besó un día Salinas,
el rayu que frañó la llamera de Machado,
l’arpa de Bécquer escaecida nun requexu,
la carta qu’esperaba’l coronel,
los llibros de Gabriela,
los ánxeles mudos d’Alberti,
el puma de Neruda
y la soledá de Quitratué,
la mar fonda d’Alfonsina,
la nieve enceso d’Albuquerque,
la nada de Pessoa.
Soi esi llugar
onde namás xorrez
la yerba de Walt Whitman.
