Hubo un tiempu de sol rellumante
asomando adulces pela ventana
y nes llargues mañanes
punximos nome a l’alegría
de les hores ensin fin.
- PUBLICIDAD -
Nel nuestru vocabulariu incompletu
entá sobraben delles palabres,
digamos mieu, edá, muerte…
Un día espiertes col chiflu l’afilador,
heraldu melodiosu de mal badagüeyu,
qu’enciende estrelles nel filu la navaya,
-l’esmeril nun tien piedá col aceru-
y emburriando la llixera rueda
vuelve al camín cola mesma melodía.
Y duldes si nun tendríes de dir pensando
n’añader nueves palabres al diccionariu.
