9.5 C
Oviedo
jueves 28, marzo 2024

El Reinu d’Asturies

Lo más leído

¡Haz clic para puntuar esta entrada!
(Votos: 0 Promedio: 0)

En cayendo Roma los ástures atopáronse cola independencia. Asturia quedara desvinculada del imperiu durante los últimos sieglos. La escasa romanización de los asturcántabros orixinó una resistencia con una insumisión nel baxu imperiu. Nin suevos nin godos dominaron acá.
Los asturcántabros caltuvieron la so organización xentilicia nos castros, lluchando contra los godos Witericu y Sisebutu nel sieglu VII. Tampoco la invasión musulmana afectó a Asturia. La monarquía cordobesa foi continuadora de la Hispania visigoda. La historia de los ástures ye una continua llucha contra los pueblos del sur yá fueren éstos vacceos, romanos, visigodos o musulmanes. Nun esistió “reconquista” sinón lluches contra tolos pueblos hispanos del sur. La mestura ente ástures y cántabros foi imparable. La presencia musulmana yera un destacamentu en Xixón dende 713 con Munuza que duró cinco años. Pelayo yera un xefe influyente en Xixón con raigañu en Primorias, miembru de la clase governante. Munuza manda a Pelayu pa Córdoba con una comisión de tributos y aprovecha l’ausenciaLa independencia d’Asturia nun foi un procesu d’autodeterminación pacíficu sinón de lluches. La victoria llegó nel 722 cola Batalla de Cuadonga, portando la Cruz, importante nel aspectu simbólico-propagandísticu. Consagró a Pelayu como rei indiscutible. pa casar cola so hermana, una suplantación de poder.La rebelión de Pelayu contra l’intrusu Munuza ye nel 718. La importancia de Pelayu ye que fizo de la so causa la casua d’un Pueblu. El protagonismu de la rebelión foi de los ástures que se xuntaron nel 718 pa elexir a Pelayu como Príncipe de los ástures, nome usual de los monarques. Si Pelayu quería ser rei tenía que selo gracies a les victories. La independencia d’Asturia nun foi un procesu d’autodeterminación pacíficu sinón de lluches. La victoria llegó nel 722 cola Batalla de Cuadonga, portando la Cruz, importante nel aspectu simbólico-propagandísticu. Consagró a Pelayu como rei indiscutible. Los musulmanes abandonen Xixón. Pelayu establez una Corte non en Xixón, en Cangues, nel centru del territoriu asturcántabru. Pelayu muerre nel 737 dexando’l poder al so fíu Favila. La monarquía asturiana ye hereditaria a la manera romana y non electiva como la goda o xermánica. Nel so reináu construyóse una Basílica pa venerar la Cruz de la Victoria, símbolu del Reinu.
La muerte de Favila por un osu corona al so cuñáu Alfonsu I, casáu con Ermesinda, fía de Pelayu. Alfonsu pertenecía a la élite cántabra. La vieya xuntura ente ástures y cántabros va ser total. Alfonsu I el Conquistador consolida’l reinu con victories: de Coruña a Amaya, de Portu a Osma, de Braga a Oca, espulsando a los moros y llevando a los cristianos a Asturia despoblando’l valle del Dueru como protección. El reinu d’Asturia algama dende Coruña hasta Álava. Fruela I sucede a so padre nel 757. Funda monasterios y somete revueltes casando cola alavesa Munia.
Aurelio, Silo, Mauregatu y Bermudu I caltuvieron la paz con Spania. El mitu de les Cien Doncielles ye falsu. La paz ente Asturia y Spania ye consecuencia del cansanciu de los dos estaos. El reináu de Mauregatu ye un rellumu cultural. Surde’l mitu de Santyagu. Beatu de Llébana, conseyeru del rei, publica los Comentarios y l’Apoloxéticu, dando la razón a la Ilesia asturiana contra la de Toledo, independizándose d’ésta. Alfonsu II lleva la corte pa Uviéu convirtiéndola nuna ciudá real. Vuelve a les conquistes (Lutos, Lisboa) y anuncia’l descubrimientu nel so territoriu de la tumba de Santyagu, entamando un bayurosu camín comercial per Asturia. Alfonsu II muerre ensin fíos y el so

Pelayo
Pelayo
cuñáu Nepocianu I ye rei d’Asturia. Ramiro I quita-y la corona pola fuerza, sucediéndolu Ordoñu I. Al final del reináu d’Alfonsu III surde’l neogoticismu pa xustiticar la política imperialista atacando territorios al sur del Dueru que nunca pertenecieron a los ástures, pretendiendo lexitimar una conquista espansiva. Asturia nun podía reclamar los dominios visigodos y por ello invéntase tola teoría de la supuesta “reconquista” que nunca esistió.
Nel 910 repártese’l reinu siendo Fruela II rei d’Asturies, del Eo al Deba en Basconia hasta’l 925 cuando lu sucede’l so fíu Alfonsu IV Froilaz que pretende caltener la independencia de l’Asturies tresmontana frente a Lleón. La guerra dinástica ente Asturies y Lleón termina cola derrota d’Alfonsu IV Froilaz y d’Asturies entera: les Asturies pártense en dos: una pasa a depender de Lleón y la otra pa Castiella. L’Asturia de Santiyana y d’Uviéu. La Ilesia d’Uviéu conservará la capitalidá de toles Asturies hasta’l sieglu XII y nun la va recuperar hasta 1954, cuando pierde territorios como Benavente y Fonsagrada-Burón.

¡Haz clic para puntuar esta entrada!
(Votos: 0 Promedio: 0)

Más del autor /a

DEJA UNA RESPUESTA

Por favor ingrese su comentario!
Por favor ingrese su nombre aquí

- Publicidad -

Últimos artículos