5.4 C
Oviedo
viernes 29, marzo 2024

Noticies setiembre 2019

Lo más leído

¡Haz clic para puntuar esta entrada!
(Votos: 0 Promedio: 0)

https://fusionasturias.com/otras-secciones/hemeroteca/iniciativa-pol-asturianu/noticies-setiembre-2019.htm Noticies setiembre 2019

Asturies va acoyer l’Ancountro de Blogueiros en mirandés nel añu 2020

L’eventu va cuntar cola dirección d’Inaciu Galán y la collaboración d’Iniciativa pol Asturianu y otres entidaes.

La pasada fin de selmana celebróse en Miranda del Douru, el territoriu portugués onde se fala asturianu, embaxo’l nome de mirandés, l’alcuentru añal de los escritores y defensores d’esta llingua, que llegaba a la so edición númberu doce, y nel que dende va yá años vien participando una delegación d’asturianos encabezada por Inaciu Galán.

Va agora cuatro años, los escritores en mirandés, encargaron a Inaciu Galán la organización n’Asturies del Alcuentru pal añu 2020, cola idea de tender pontes ente los dos territorios, que comparten una llingua, magar los sieglos de distancia ente los territorios. Y esti añu nel Alcuentru, celebráu nel pueblu mirandés de Dues Eigreijas, zarráronse dalgunos detalles de lo que va ser la edición del añu qu’entra.

Agora, a un añu de la celebración del eventu, que tendrá llugar nel mes d’agostu de 2020, Galán adelantó dalgunos datos sobre l’actu: “La idea que tengo ye convertir l’actu nun alcuentru ente tolos territorios del dominiu llingüísticu asturllionés, nun momentu especial pa una comunidá llingüística que tovía vive poco conectada, anque los llazos son cada vegada más estrechos, gracies sobre manera a les nueves tecnoloxíes”. Anunciu que l’eventu va celebrase a lo llargo de dos o trés díes en dellos conceyos asturianos, teniendo como exa central dar a conocer n’Asturies la realidá del mirandés, “asina como recibir a la xente que trabaya por esta variedá asturllionesa, faciendo porque se sientan como en casa”.

Nestos momentos l’equipu dirixíu por Inaciu Galán, que quier que siga sumando xente y entieda, trabaya yá na programación y na busca de collaboraciones de tou tipu: “Queremos implicar a les instituciones d’Asturies, de Miranda y del restu del dominiu llingüísticu, asina como a les entidaes que trabayen pol idioma en cada llugar, pensamos que ye una oportunidá hestórica de construyir un futuru de mayor collaboración”.


Iván Llera, presidente d’Iniciativa pol Asturianu, fizo unes declaraciones sobre’l stand d’Iniciativa pol Asturianu na FIDMA

https://fusionasturias.com/otras-secciones/hemeroteca/iniciativa-pol-asturianu/noticies-setiembre-2019.htm Noticies setiembre 2019“La presencia d’Iniciativa na Feria de Muestres con un espaciu con trece empreses refuerza, una vegada más, la realidá de que l’asturianu ye una ferramienta de xenerar riqueza”

“Nel nuesu espaciu cuntamo con empreses del sector industrial, audiovisual, cultural, infantil, agorallimentariu, de la moda y del deporte”
“L’asturianu ye una manera de xenerar empreses, puestos de trabayu y polo tanto riqueza”
“La oficialidá, a parte de ser la manera de salvar l’idioma, ye tamién una manera de fomentar l’espardimientu y la creación d’empreses que xeneraríes riqueza n’Asturies”.
Iván Llera, presidente d’Iniciativa pol Asturianu, fizo unes declaraciones sobre’l stand d’Iniciativa pol Asturianu na FIDMA nes qu’aseguró que “la presencia d’Iniciativa na Feria de Muestres con un espaciu con trece empreses refuerza, una vegada más, la realidá de que l’asturianu ye una ferramienta de xenerar riqueza. Quiximos facer llegar a la sociedá asturiana el potencial que tien la llingua asturiana pa consiguir xenerar actividá económica y ser un factor de creación empresarial”.

“Amás, con tola variedá de productos y servicios de les empreses que tuvieron presentes, dende la nuesa organización quiximos facer ver como la llingua asturiana puede ser un elementu de diferenciación y qu’aporta un valor añadíu a los productos y servicios qu’ufierten estes empreses. Nel nuesu espaciu tenemos empreses del sector industrial, audiovisual, cultural, infantil, agorallimentariu, de la moda y del deporte” añadió Llera.

El presidente de la entidá dixo tamién que “Iniciativa amplia amás el so stand na FIDMA que cuntó con un espaciu pa charres, presentaciones de llibros, actos culturales, actos d’empreses y visites institucionales. La organización quier qu’esti espaciu fuera un llugar d’alcuentru y un escaparate a la sociedá de la importancia que tien l’asturianu na economía asturiana”.

Iván Llera remató diciendo que “la oficialidá, a parte de ser la manera de salvar l’idioma, ye tamién una manera de fomentar l’espardimientu y la creación d’empreses que xeneraría una riqueza intrínseca n’Asturies”.

¡Haz clic para puntuar esta entrada!
(Votos: 0 Promedio: 0)

Más del autor /a

DEJA UNA RESPUESTA

Por favor ingrese su comentario!
Por favor ingrese su nombre aquí

- Publicidad -

Últimos artículos