13.4 C
Oviedo
jueves 28, marzo 2024

40 años de manifestaciones pol asturianu

Lo más leído

¡Haz clic para puntuar esta entrada!
(Votos: 0 Promedio: 0)

El vienres 6 de mayu salimos otra vegada a la cai pa reclamar la oficialidá del asturianu. La primer gran manifestación pol asturianu tuvo llugar un 22 de xunu de 1976 en Xixón, embaxo’l lema ‘Autonomía rexonal. Bable nes escueles’. Cuarenta años más tarde, l’asturianu ta nes escueles de forma precaria, l’autonomía nun foi la ferramienta que s’esperaba pa salvaguardar ya impulsar hacia’l futuru a la nuesa llingua y la nuesa cultura.
Pero ye innegable, diéronse pasos, anque toos ellos nun llegaron de baldre o por iniciativa propia de les instituciones, sinón gracies a la reivindicación, la movilización y la presión ciudadana a los nuesos dirixentes.
Un añu más, organizaciones sociales, culturales y polítiques, ciudadanos y ciudadanes de toa procedencia, xuntámonos n’Uviéu pa recordar que la reivindación sigue equí, y camín del mediu sieglu de manifestaciones (y les que faigan falta), la ciudadanía nun cansa. Nun cansamos, non porque mos preste manifestanos, sinón porque les persones que vivimos n’asturianu, atopámonos cada día colos problemes propios de ser usuarios d’una llingua non oficial, y polo tanto, una llingua qu’en munchos ámbitos, sobre manera los institucionales, nun esiste. Porque vivimos con menos drechos, y nun mos queda otra que salir a la cai a recordar esta inxusticia denunciada por numberosos organismos internacionales nestos cuarenta años.
Esta nun ye una llucha por imponer nada a naide, ye una llucha poles llibertaes y los drechos ciudadanos, una llucha por da-y futuru al elementu más importante de la nuesa identidá. Ye una llucha pa que nengún paisanu nin paisana sienta vergoña nunca más por usar la so llingua propia fuera de casa, porque nengún neñu nin neña dexe de falar la llingua que siente en casa porque na escuela-y dicen qu’aquello ye falar mal, una llucha xusta y que demostró nestes cuatro décades que tien un sofitu ciudadanu incansable y que cada vegada ye más mayoritariu, anque dalgunos responsables políticos sigan ensin decatase d’esta realidá.

Miles de persones reclamaron la oficialidáiniciativa-pol-asturianu-2654.000 persones, según datos de la Policía, percorrieron les cais d’Uviéu nel Día de les Lletres Asturianes pa reclamar la oficialidá del asturianu. Miembros y simpatizantes d’Iniciativa pol Asturianu particiaron cola so pancarta na Manifestación pola #Oficialidá amosando en pancartines de mano los diez puntos del so Decálogu de Drechos Llingüísticos presentaos nes redes sociales los meses previos a la manifestación.
Persones y entidaes de tolos ámbitos sociales tuvieron presentes, magar el mal tiempu qu’acompañó a la marcha, xunto a represenantes de partíos, sindicatos, asociaciones, etc. dende la Estación del Norte a les puertes del Teatru Campoamor.
Iniciativa pol Asturianu fai un balance positivu d’esta acción revindiciativa colectiva que convoca la Xunta pola Defensa de la Llingua Asturiana. Un añu más volvióse a demostrar que la sociedá asturiana sigue teniendo ente les sos cuestiones pendientes reconocer la igualdá xurídica del asturianu, en pie d’igualdá col castellán.
¡Haz clic para puntuar esta entrada!
(Votos: 0 Promedio: 0)

Más del autor /a

DEJA UNA RESPUESTA

Por favor ingrese su comentario!
Por favor ingrese su nombre aquí

- Publicidad -

Últimos artículos