Imágenes de Asturias

descargar


Suscríbete

Recibe cada mes el sumario en tu correo

Opinión Firmas Xaviel Vilareyo Asturianos ilustres: Carlos Blanco, guionista de cine

Asturianos ilustres: Carlos Blanco, guionista de cine

Imprimir E-mail
(17 Votos)
Escrito por Xaviel Vilareyo   
Lunes, 30 de Mayo de 2011 13:01
Asturianos ilustres: Carlos Blanco, guionista de cine 4.8 out of 5 based on 17 votes.
Cuando conocí a Carlos Blanco nel Teatru Reina Victoria de Madrid na presentación d’un llibru sobre la biografía del actor José Luis López Vázquez nun podía creer que taba con unu de los guionites asturianos de cine más importantes non yá del cine asturianu sinón del mundu del cine.
Una hora menos en MirandaLa so vida ye daveres toa una hestoria de película. Carlos Blanco nació en Xixón en 1917 nel Antigu Institutu Xovellanos, entós escuela y vivienda de maestros, hasta que n’avientu de 1934, llueu de ver en Xixón aquel intentu de revolución socialista, llega a Madrid con so padre, onde dos años depués atópase con otra guerra que marcará la so vida. Del drama de la Guerra del 36 lluchando pola República nel barriu madrileñu d’Aluche hasta Córdoba onde lu prindaron, pasando per cinco llargos años d’intermanientu en campos de reeducación, esto ye, presu, hasta convertise nel guionista más famosu del momentu y triunfar en Hollywood onde vivió cinco años trabayando pa los más importantes estudios cinematográficos y conociendo a artistes como Humphrey Bogart, Lauren Bacall, Ava Gadner o los hermanos Manckiewicz. Na so reclusión forzada naquellos campamentos d’excombatientes republicanos Don Carlos Blanco nun tenía más distracción que la d’imaxinar la so infancia recordando aquelles hestories lexendaries que lleía de guaje na biblioteca de casa, con aquellos llibros d’historia heroica que falaben de los reis y reines, de les guerres medievales, de los castiellos fabulosos y tamién recordar les películes que los mandos republicanos poníen a los combatientes durante la Guerra na retaguardia pa distrayelos.
Don Carlos Blanco nun tenía más distracción que la d’imaxinar la so infancia recordando aquelles hestories lexendaries que lleía de guaje na biblioteca de casa. Asina, en viendo depués un anunciu d’un concursu de guiones presentóse pa poder ganar daqué que lu salvara de la miseria ganando’l so primer premiu en 1940 col guión de Don Beltrán de la Cueva, ambientáu na época d’Isabel de Castiella. Foi asina cómo entamó la carrera profesional d’unu de los nuestros grandes guionistes, con películes, munches d’elles de tema históricu, como: Cuando llegue la nueche, La princesa de los Ursinos, Les agües baxen negres, Llegada de nueche, Llocura d’amor, 39 cartes d’amor, Don Xuan, (una de les meyores adaptaciones del Don Xuan), Los güeyos dexen buelga, Tou ye posible en Granada, Los pexes coloraos, (película ésta rodada en Xixón), Diez fusiles esperen, Los gallos de la madrugada, y otros guiones más que o bien se perdieron o nunca se rodaron... aínda. Funda una productora propia, Óscar P.C., cola que rodaría Don Quixote cabalga de nuevo, La espada prieta y Herba xabaz yá nos años 1970 con guiones suyos.
Ye cuando llega la supuesta Democracia cuando Carlos Blanco cai nun estrañu olvidu, cuando esos supuestos neoprogresistes dan la espalda al nuestru gran guionista acusándolu de tener trabayao pal primu del fundador de la Falanxe y director preferíu de Franco, el gran director de cine José Luis Sáenz de Heredia col que rodó seis películes. La tristura y la vergoña que me produz que’l públicu nun conoza en realidá al guionista asturianu Carlos Blanco tien relación con esi desdén esistente n’Europa, que non n’Estaos Uníos, hacia’l llabor de los guionistes en xeneral, pues són ellos los padres de les películes, los escritores y autores de los argumentos y de los diálogos. Xaviel Vilareyo y Carlos Blanco, guionista de cine.
Por ello allegréme abondo cuando naquel momentu que lu conocí en persona Don Carlos Blanco aceptara complacíu el nuesu Premiu d’Honor del 7u Festival de Cine Asturianu 2011 que díbemos celebrar en Madrid como merecíu homenaxe a él. Y muncho nos prestaría a toos que dalguién rodara algún día los sos guiones inéditos. Él tovía presume de saber falar n’asturianu. Foi tou un honor pa min conocer a Don Carlos Blanco Hernández.scroll back to top
 

Una hora menos en Miranda

Entre 2008 y 2014, Xaviel Vilareyo escribió en Fusión Asturias un artículo mensual bajo el nombre Una hora menos en Miranda. Aquí se puede encontrar la recopilación completa de estos trabajos.

Directorio de empresas

silvota_trabajador

Directorio de  Guía de Asturias

Números publicados

portadas

Concejos

mapa_asturias_p