Imágenes de Asturias

descargar


Suscríbete

Recibe cada mes el sumario en tu correo

Quién está en línea

Tenemos 303 invitados conectado(s)
Opinión Firmas Xaviel Vilareyo Autrigonia, la nación de los autrigones

Autrigonia, la nación de los autrigones

Imprimir E-mail
(22 Votos)
Escrito por Xaviel Vilareyo   
Jueves, 27 de Enero de 2011 11:59
Autrigonia, la nación de los autrigones 4.7 out of 5 based on 22 votes.
Los autrigones son un pueblu celta pre-romanu enraigonáu nel norte de la Península Ibérica, ente la fonte del ríu Asón (Ruesga) y el ríu Nervión espardiéndose a norte y sur de la cordalera montañosa.
Una hora menos en Miranda. Autrigonia, la nación de los autrigonesTán citaos pola mayoría d’historiadores antiguos como una nación propia, diferente y dixebrada tanto de los cántabros como de los bascones. Vivíen en castros fortificaos, en comunidaes bien establecíes nos valles dende antiguo, amás de cuntar con ciudaes portuaries y comerciales. Trabayaben la industria de les salines. Axuntábense como los celtes delantre d’un árbol sagráu p’aconceyar. Los autrigones yeren un pueblu munchu más romanizáu que los asturcántabros hasta’l puntu de ser aliaos de Roma.
Ptoloméu llinda’l so territoriu col de los caristios y los cántabros. Los autrigones nun yeren cántabros, yeren enemigos irreconciliables de los cántabros yá que precisamente foi l’ataque de cántabros contra los autrigones y l’alianza d’éstos con Roma lo que motivó l’entamu la guerra imperial contra los asturcántabros.
El motivu esgrimíu polos romanos pa la so intervención militar foi la pacificación d’esa zona debío a les frecuentes incursiones de los cántabros y de los ástures en territoriu d’autrigones y vacceos. Estes incursiones poníen en custión l’autoridá romana yá que’l non sometimientu de los asturcántabros yera un peligrosu exemplu d’espansionismu ya independentismu pal restu de pueblos recién dominaos. Incluso pudiera ser que los vacceos fueren cómplices de los deseyos espansionistes de los asturcántabros.
Hai quien defiende que na Alta Edá Mediana fueron invadíos o absorbíos polos bascones, que na so espansión hacia l’oeste desplazaron a so vez a caristios y bárdulos pal territoriu autrigón, lo que fizo que’l país autrigón se llamara col tiempu Bardulia, nome mencionáu yá nos documentos del rei d’Asturies Alfonsu III o que’l nome de los sos vecinos caristios desapaeciera lo que ye más probable. Bardulia llegó a confundise con Castiella na Alta Edá Media. Unes de les ciudaes autrigones antigües yeren Flavióbriga, (Castro Urdiales), Sandoquitum (Santoña), Tritium, Briviesca, Carranza, y Valmaseda. La nación autrigona modernamente bien conociéndose como’l Bastón de Laredo o País de les Cuatro Villes, y tamién són autrigones Les Encartaciones y la Montaña norte de Burgos. En 1396 les merindaes d’Asturies de Santiyana y Llébana formen un solu correximientu. La merindá d’Asturies de Tresmiera axúntase a la de Vecio formando’l nuevu correximientu de Les Cuatro Villes con capital en Laredu. Les Encartaciones pasen pa Bizcaya y el valle de Mena y tola Montaña van depender de Burgos.
Los autrigones yeren un pueblu munchu más romanizáu que los asturcántabros hasta’l puntu de ser aliaos de Roma.
La nación autrigona sodivídese en delles rexones naturales o valles: d’Asón, Vecio, Agüero, Trucíos, Cadagua, Carranza, Encartaciones, Mena y parte del valle del Ebru. El País de les Cuatro Villes, perteneció per dalgún tiempu al Señoríu de Bizcaya. Esti territoriu formó una hermandá o provincia independiente que llimitó al este con Bizcaya y al oeste con Asturies, celebrando xuntes xenerales propies dende 1555 a 1732, formando un territoriu históricu y consolidáu dende vieyo. Se-yos nomó tamién como Merindá de Castiella la Vieya algamando de nuevo tol territoriu autrigón. Les principales ciudaes autrigones són: Castro Urdiales, Laredu, Santoña, Briviesca, Poza de la Sal, Carranza, Ramales, Ruesga y Valmaseda. La capital de la nación autrigona ye Laredu, capital histórica d’esti país y principal puertu de Castiella. Autrigonia espárdese a un llau y a otru del cordal pel puertu de Los Tornos.
A partir del sieglu XV, debido a la relevancia del comerciu con Flandes, Inglaterra y Francia y hasta el XVII, Laredu alcanza importancia como sede del correxidor de les Cuatro Villes, llueu va facelo tamién el reximientu de milicies. Laredu destacó pol so poderíu marítimu y mercantil, siendo en 1529 l’únicu puertu de la costa, ente Bilbáu y Avilés, habilitáu pa les expediciones a América. Nel sieglu XIX Laredu esixó tener una provincia propia, fechu que-y foi negáu pola villa de Sanander que-y llegaría a quitar la preeminencia política en 1834.Autrigonia, la nación de los autrigones
Anguañu, el folclor autrigón ye nui ricu, destaquen les dances al són de los pitos, flautes o dulzaines autrigones con tamboril. Los homes visten traxes blancos de fiesta con boina adornaos con cintes de colores y les muyeres visten más cenciello pero dancen con arcos florales de munchos colores. Les anchoes y la pesca son el productu autrigón más típicu, ensin escaecer los salazones nun país que foi el principal camín del comerciu la llana. La llingua de la nación autrigona ye’l castiellanu anque con delles influencies del bascu pero sobre tou del asturianu, lo que conforma una especie de dialectu castiellanu peculiar. Autrigonia ye históricamente mui importante por ser el bierzu induldable de la nación castiellana.scroll back to top
 

Una hora menos en Miranda

Entre 2008 y 2014, Xaviel Vilareyo escribió en Fusión Asturias un artículo mensual bajo el nombre Una hora menos en Miranda. Aquí se puede encontrar la recopilación completa de estos trabajos.

Directorio de empresas

silvota_trabajador

Directorio de  Guía de Asturias

Números publicados

portadas

Concejos

mapa_asturias_p