La ciudá de Sanander ye dende 1835 capital d’una provincia nueva formada sobre l’anterior provincia d’Asturies de Santiyana, parte integrante d’Asturies dende los sos mesmos oríxenes fundacionales como Reinu.
Esisten pequenes ruines d’época romana nel colláu que domina la badía, el Somorrostru, pero na antigüedá sólo foi un puertu natural como tantos otros del norte ensin población. L’orixe de Sanander como población débese a Alfonsu II d’Asturies qu’ordena la fundación d’una abadía pa venerar les tiestes de los mártires Medé y Celedoniu. Alfonsu II d’Asturies dominaba tola costa atlántica del norte hasta Guipuzcua. Alfonsu III edifica un castiellu a la vera y una muria pa protexer la población de los ataques viquingos. El governador de la villa va ser l’abá de la Colexata de Sant Emeterii y Celedonii. El monasteriu de Santemeder foi un esllabón nes pelegrinaciones a Santiagu y continuaben na Colexata de Santiyana pa venerar la tumba de Santa Iyana convirtiéndose ésti col tiempu nun de los monasterios más importantes d’Asturies. Anque les tierres ente los ríos Eo y Miera pertenecen al Obispáu d’Uviéu, Santiyana algamó un gran poder territorial al que pertenecía Santemeder. Sanchu III de Pamplona conquista nel sieglu XI tol territoriu hasta’l ríu Miera, y la badía de Santemeder foi durante munchu tiempu la frontera ente Les Asturies y la Tresmiera que dexó de ser asturiana pa pasar al Reinu de Pamplona. Nel sieglu XII resurde l’espansionismu castiellanu cola creación del obispáu de Burgos que consigue quita-y al d’Uviéu tol territoriu d’Asturies de Santiyana, al que pertenez Santemeder, con gran rechazu del Obispáu d’Uviéu que nun acepta la sentencia d’esgayamientu conservando’l territoriu de Cartes.
L’orixe de Sanander como población débese a Alfonsu II d’Asturies qu’ordena la fundación d’una abadía pa venerar les tiestes de los mártires Medé y Celedoniu. Alfonsu II d’Asturies dominaba tola costa atlántica del norte hasta Guipuzcua.
Esta dixebra fai que Castiella conquiste más fastera marítima a Pamplona y que s’anexione Asturies de Santiyana p’asegurase unos puertos marítimos pa la esportación de la llana. Cuando Castiella y Lleón se separen Asturies d’Uviéu y Llébana queden englobaes nel Reinu de Lleón mentantu Asturies de Santiyana queda dientro del de Castiella como merindá alministrativa. La pobla de Santu Medé recibe’l fueru de Sanfacún en 1187 como otres puebles d’Asturies, concediéndo-y al abá del monasteriu el señoríu de la villa y alfoz. Los pechos más importantes cobrábense por entrar mercancíes nel puertu. De 1248 daten los escudos de Sanander y Avilés remembrando la conquista de Sevilla. La esportación de la llana castiellana yera la principal función del puertu de Sanander. Henrique II decide convertir Santemedé na gran base naval del Atlánticu construyendo unos astilleros. A partir d’Henrique IV el conceyu conviértese en realengu deslligándose del poder del abá. Isabel I concede a Burgos el monopoliu de los puertos del norte salvo Bilbáu, el resultáu foi que Sanander y los demás puertos asturianos perdieron la so independencia mercantil que xunto cola prohibición de comerciar con América privó al norte de tola bayura americana. Carlos I tenía previsto arribar a Castiella pel cai de Sanander pero un temporal aribólu a Tazones. La costera la sardina facíase con redes d’arrastre o traína en barques que por ello se nomen traineres. Georg Braun nel mapa de 1575 define a Sanander como “La ciudá situada nel mesmu país que Toloméu diz habitáu polos autrigones y que hoi llamen les Asturies de Santiyana”. Felipe II concede a la merindá d’Asturies de Santiyana el títulu de provincia un 2 de setiembre de 1630. Asturies de Santiyana tien derechu a facer una Xunta Xeneral en Bárcena de la Puente. En 1754 Sanander algama obispáu propiu de la divisoria d’agües hasta la mar, obispáu que dende 1954 vuelve pertenecer al Arzobispáu d’Uviéu. En 1765 Sanander y Xixón consiguen el derechu a comerciar con América. En 1778 Asturies de Santiyana axúntase cola Llébana pa facer una provincia mayor. Y en 1785 créase en Sanander un Consuláu de Mar. 
En 1801 Xixón y Sanander son capitales de provincies marítimes con banderes propies pa los sos barcos de colores blancu y vermeyu. En 1833 créase la nueva provincia de Santander, axuntando los territorios d’Asturies de Santiyana y Llébana col correximientu de Laredu (Tresmiera y Vecio) amás de parte de Campoo qu’anteriormente pertenecía a Palencia. Santiyana y Laredu reclamaben la capitalidá. En 1864 un grupu d’intelectuales lideraos por Gumersindo Laverde propugna la fusión de les provincies d’Uviéu y Santander nuna sola entidá superior baxo’l nome de Les Asturies.