Imágenes de Asturias

descargar


Suscríbete

Recibe cada mes el sumario en tu correo

Quién está en línea

Tenemos 401 invitados conectado(s)
Opinión Firmas Xaviel Vilareyo Xunta d’Escritores Asturianos 2010

Xunta d’Escritores Asturianos 2010

Imprimir E-mail
(35 Votos)
Escrito por Xaviel Vilareyo   
Martes, 02 de Marzo de 2010 20:20
Xunta d’Escritores Asturianos 2010 4.9 out of 5 based on 35 votes.
La Xunta d’Escritores Asturianos 2010 faló del nacionalismu asturianu y de les relaciones ente la lliteratura, la identidá y la nación. La relación ente nación y lliteratura ye un vieyu tema presente en tola historiografía lliteraria y paña especial relieve nel casu de les lliteratures de llingües menores y en procesu de construcción como ye’l casu de la lliteratura asturiana, que ta escrita nun llingua inda non oficial.
Xunta d’Escritores Asturianos 2010Esta edición tuvo llugar n’Uviéu los díes 11, 12 y 13 de xineru. Les actividaes tuvieron destinaes tanto a escritores como al públicu en xeneral yá que l’asistencia ye gratuíta y consisten nun ciclu de conferencies, debates, alderiques y presentaciones de llibros. Trátase d’un alcuentru periódicu onde se pretende que los escritores en llingua asturiana nun pierdan la relación nin la idea colectiva que supón el fechu d’escribir n’asturianu. Nesta vegada el lema de les xornaes fizo debatir cómo los aspectos identitarios afecten al fechu d’escribir nuna llingua minorizada y non oficial como l’asturiana frente a otres de más prestixu institucional y los medios pa superar cola lliteratura esta situación de desventaya, asina como les relaciones esistentes ente identidá y lliteratura, cara al futuru de los nuevos escritores, ente otros temes. La Xunta d’Escritores Asturianos tuvo llugar nel Palaciu Villa Madalena, situáu nel antigu Paséu de la Siella del Rei. Na Xunta presentóse’l Llibru d’Actes del anterior aconceyamientu que lleva por títulu “Lliteratura asturiana y compromisu”. El programa cuntó amás con conferencies y presentaciones de Javier Cubero, Xaviel Vilareyo, Daniel Cueli, Pablo Martínez, Helena Trexu, Xuan Carlos Crespos, Dorita García, Inaciu Galán, Ánxel Nava, César García, Llucía Fernández y Marcos Abel Fernández. Esta edición del 2010 quiso recordar tamién los centenarios del rei d’Asturies Fruela II y del arquitectu asturianu Miguel de la Guardia.
La Xunta d’Escritores Asturianos tuvo llugar nel Palaciu Villa Madalena, situáu nel antigu Paséu de la Siella del Rei. Na Xunta presentóse’l Llibru d’Actes del anterior aconceyamientu que lleva por títulu “Lliteratura asturiana y compromisu”. El programa cuntó amás con conferencies y presentaciones de Javier Cubero, Xaviel Vilareyo, Daniel Cueli, Pablo Martínez, Helena Trexu, Xuan Carlos Crespos, Dorita García, Inaciu Galán, Ánxel Nava, César García, Llucía Fernández y Marcos Abel Fernández
El llunes 11 de xineru presentóse’l llibru Lliteratura asturiana y compromisu, un llibru que recueye les Actes de la Xunta d’Escritores Asturianos del 2008 que tuvo llugar na Biblioteca del Campu San Franciscu d’Uviéu. Esther Prieto comentó dellos aspectos sobre’l llabor de correxir testos n’asturianu. Según Prieto, los testos n’asturianu agora lleguen más correctos cola ortográfía qu’antes pero tamién nótase que la llingua ye tamién más probe, menos auténtica. Tamién reconoció que sedría necesario facer una ortografía más cenciella, sobremanera pa los apóstrofos por ser un tema mui enguedeyáu pa la mayoría los escritores, colo que’l llabor de los correctores ye una xera perdifícil, yá que paez qu’hai qu’adaptase al gustu de cada escritor. Sobre l’asturianu oriental, Esther Prieto, nacida nel conceyu de Cabrales, recalcó qu’ella prefier utilizar l’estándar del asturianu más qu’utilizar na escritura los rasgos de la variante oriental y anque preferiría permitir l’usu de la “jota” pa los casos d’efe aspirada, nun ve mayores problemes col asturianu oriental, por ser más paecíu al central. Na mesma xornada Javier Cubero faló de Llingües, clases y nacionalismos, Xavi Vilareyo disertó sobre L’idioma asturianu na Asturias de Santiyana, Daniel Cueli presentó los últimos númberos de la revista N’AST y fízose un homenaxe al arquitectu de Villa Madalena, Miguel de la Guardia, nel so centenariu.
El martes 12 de xineru Pablo Martínez Testa faló De cómo una llingua s’enfrenta a la muerte, Helena Trexu pronunció una interesante conferencia sobre Nación y llingua y Xavi Vilareyo reivindicó la figura del rei asturianu Fruela II (910-925) como motivu d’inspiración lliteraria. Dorita García disertó sobre cómo s’enfrenta como escritora al procesu creativu. Tamién presentóse l’últimu llibru de rellatos de Xuan Carlos Crespos y el númberu 6 de la revista lliteraria Formientu con un recital de poesía y cola entrega de Premios del Concursu de Microrellatos.

Xunta d’Escritores Asturianos 2010El miércoles 13 de xineru presentóse’l númberu 72 de la veterana revista La Sidra a cargu de la so directora, Llucía Fernández. Xavi Vilareyo espuso la so conferencia sobre La lliteratura dialectal de los escritores de Santiyana y darréu Inaciu Galán faló d’El periodismu nuna llingua minorizada. La Xunta lliteraria terminó cola presentación del últimu llibru de Xaviel Vilareyo, la Historia del Cine Asturianu, un novedosu ensayu sobre’l nuestru cine, actu que cuntó cola presencia del editor Marcos Abel Fernández y con abondes persones más que ficieron cola so presencia qu’esta Xunta d’Escritores Asturianos 2010 fuera un éxitu que sedrá difícil d’escaecer.scroll back to top
 

Una hora menos en Miranda

Entre 2008 y 2014, Xaviel Vilareyo escribió en Fusión Asturias un artículo mensual bajo el nombre Una hora menos en Miranda. Aquí se puede encontrar la recopilación completa de estos trabajos.

Directorio de empresas

silvota_trabajador

Directorio de  Guía de Asturias

Números publicados

portadas

Concejos

mapa_asturias_p