Las guardianas de nuestro planeta. Esi ye’l nome que-y punxeron a Nation Whale. Una película documental dientro’l Wild Oceans Film Fest cellebráu na primer semana d’ochobre nel Bioparc del Acuariu de Xixón. A la que siguiera un coloquiu con tres biólogos expertos en ballenes.
Foi na II edición a la que siguirán más.
Hebo públicu de toles edaes escuchando cómo apaecieron les ballenes fai 50 millones d’años y cómo deprendieron a cantar fai 45 millones d’años.
La caza comercial y el cambéu climáticu lleváronles al carel del desaniciu hasta que en 1986 ñació la Moratoria Internacional de caza de ballenes pola Comisión Ballenera Internacional formada por cuasi 90 estaos, que n’Europa nun respetaron Noruega ya Islandia cola sida de siguir cola “caza científica”.
Nel mar Cantábricu constatóse la desaparición de la ballena franca, nómada asina por ser la más fácil de cazar pola so lentitú, pola esplotación comercial del saín, dende’l sieglu VII hasta 1901, magar queden unos 400 exemplares en Norteamérica.
Enantes desapaeció la ballena gris, qu’esistió equí hasta l’esterminiu na Edá Media, datándose’l caberu exemplar nel sieglu XVII. Anguaño pervive nel Pacíficu.
Nel mar Cantábricu constatóse la desaparición de la ballena franca, nómada asina por ser la más fácil de cazar pola so lentitú, pola esplotación comercial del saín, dende’l sieglu VII hasta 1901.
Whale Nation de Heathcote Williams ye’l poema qu’inspiró la película, na qu’al traviés d’una ballena franca varada desendólcase tola vida ya importancia de la especie y el so mundiu, con ballenes azules, xibartes y otres, hasta que ye lliberada otra vegada a la mar por un grupu de voluntarios que taben na sablera nel que taba’l neñu que l’alcontró y la saludó a la fin, retrucando ella con saltos d’allegría.
Unos retayos del poema dicen asina:
“Dende l’espaciu, el planeta ye azul.
Dende l’espaciu, el planeta ye territoriu non d’humanos, sinón de ballenes.
Los mares azules cubren siete décimes partes de la superficie terrestre,
y son el dominio del celebru más grande enxamás creáu,
con un sonrís de cincuenta millones d’añós.
Mamíferos antiguos y desconocíos abandonaron la tierra a la gueta d’alimentos o
abellugu y adientráronse nel agua.
Los sos brazos y manes tresformáronse en nales d’agua.
Les so coles tornáronse n’aletes en forma de boomerang,
lo que-yos permitió esnalar, cuasi ensin pesu, al traviés de los océanos;
les sos pates traseres desapaecieron, enterraes fondamente nos sos llaos.
Llibre de presiones terrestres:
llibres de seques, terremotos, glaciaciones, volcanes, fames, (…)”.
La Moratoria pue algamar dalgún día los países que falten y prohibise dafechu la caza de los seres col celebru mayor de toos, “(…) diez vegaes más antiguos que’l del home (…)”.
Un estudiu de recién fala que la caza de ballenes grises entamó na Edá de Piedra, nel 3500 e.C. lo que podía ser la tradición ballenera más vieya d’Europa, según la Universidá d’Uviéu. Poro, apaecieron güesos d’elles nos castros ástures, como’l de Noega.
La Moratoria pue algamar dalgún día los países que falten y prohibise dafechu la caza de los seres col celebru mayor de toos, “(…) diez vegaes más antiguos que’l del home (…)”. Y asina salvar los fluxos migratorios y la vida de los microorganismos qu’apurren l’osíxenu que respira’l planeta.
En Xixón el dichu tradicional “vete a ver la ballena” adáptase a los tiempos d’anguaño, yá val pa curiales meyor al tresformase con esti tipu de festivales de divulgación científica. Nunca fuera una especie frecuente en Xixón el xibarte, anque apaeció una en 2016 xunto a El Musel.
Que nun seya la cabera. Lo mesmo que nun sedrá esta nueva seición inspirada nel so nome y nel so cantu.
¡Bravo!