Siento nesti llugar azul
la to voz que me llama.
Porque me namoré de ti,
de ti,
de la to paz, cuando la calma,
del to fustaxe cuando t’engafas.
Siento’l run run na fondura.
Siento’l xiblu de la brisa.
Siento la voz de la gaviota. Y los páxaros del augua
qu’escucan alredor
de los míos xuegos,
de los tos xuegos.
Siento amor nes orielles de la nueche.
Yo equí,
tu equí.
Los dos,
aniaos ente placeres.
Quiero abrazar el silenciu y la tormenta,
la brisa azul,
y la galerna.
Y recibir l’alborada
equí,
equí contigo.
Yo y ti.
Tu y mi.
Sí.
Siempre contigo.
Siempre.
Andanciu / Andancia. 2023. E.Trabe