El drechu a ser un ciudadanu más

Imprimir E-mail
(2 Votos)
Escrito por Inaciu Galán, presidente d'Iniciativa pol Asturianu   
Viernes, 26 de Febrero de 2016 10:55
El drechu a ser un ciudadanu más 5.0 out of 5 based on 2 votes.
Un rapaz va a la comisaría a renovar el DNI y pide que se cumpla la llei nel mesmu, que'l nome del so pueblu seya'l que ye na llegalidá vixente: Llangréu, nesti casu, pero pasa en munches ocasiones, silenciaes les más d'elles.
Iniciativa pol Asturianu

Una madre quier matricular a la so fía na asignatura d'asturianu y vive'l calvariu de tener qu'enfrentase a la dirección del centru onde estudia la rapaza. Pasó en Xixón, pasa en Mieres, pasa en tantos sitios y pasa cada añu.

Y hailos que tovía falen d'un caprichu, d'una especie d'entretenimientu que dalgunos tenemos en molestar a les instituciones, ensin entender qu'esta ye una cuestión de drechos civiles como ciudadanos, de Drechos Humanos como persones, una cuestión recoyida na llexislación y qu'obliga a les instituciones a cumplir.

Esta situación lleva demasiao tiempu ensin igua y ye una vergoña pa la sociedá asturiana, un importante déficit democráticu al qu'hai que-y poner solución. Namás queremos vivir n'asturianu, namás queremos el drechu a ser un ciudadanu o una ciudadana más, que nun tien que pelear cada ocasión pa poder vivir, porque ye insoportable y ye inxusto.

L'asturianu sonó en GasteizUn actu organizáu en Vitoria-Gasteiz tuvo como protagonista a la llingua asturiana en dos xornaes.

iniciativa-asturianu-gasteiz 262La Oihaneder Euskararen Etxea de Vitoria-Gasteiz dedicó al asturianu dos xornaes dientro del ciclu dedicáu a llingües minorizaes del mundu. Inaciu Galán, periodista y presidente d'Iniciativa pol Asturianu, ufrió una charra na qu'esplicó'l trabayu de la organización, la situación del asturianu y otres cuestiones venceyaes al tema. Amás, participó con una charra sobre la so organización, Ánxel del Río, representante de la Xunta pola Defensa de la Llingua Asturiana.
Xuntos respondieron a les entrugues del públicu alredor del momentu que vive l'asturianu, tema que xeneró munchu interés. Al otru día, el grupu folk asturianu Corzobeyos, dio un conciertu didácticu nel que percorrieron la música tradicional asturiana, con una presentación que tamién se fizo n'asturianu.
Pa Iniciativa pol Asturianu foi un honor poder participar d'estes xornaes y llevar la situación del asturianu al País Vascu, onde pese a la cercanía xeográfica nun ye mui conocida la situación sociollingüística d'Asturies.

Cursos d'Iniciativa pol AsturianuLa organización pon en marcha cursos a distancia y en dellos conceyos asturianos.

iniciativa-asturianu-cursosTa abierta yá la matrícula pa los Cursos d'Iniciativa pol Asturianu d'esta primavera. Van celebrase cursos de nivel 1 a distancia y en Ribeseya, Les Arriondes y Avilés. Amás, organícense cursos de nivel 2 en Xixón, Uviéu y Sotrondio.
Los cursos duren 36 hores y cunten con un diploma d'aprovechamientu otorgáu pola Academia de la Llingua Asturiana, entidá collaboradora nestos cursos, pa l'alumnáu que supere'l cursu. Los cursos van entamar en marzu y hasta'l mes de mayu, dependiendo de los díes festivos de cada conceyu y de les circunstancies de cada cursu.
Los detalles sobre horarios y la matricula puede facese na páxina web de l'asociación www.iniciativapolasturianu.org


scroll back to top
 

Directorio de empresas

silvota_trabajador

Directorio de  Guía de Asturias

Números publicados

portadas

Concejos

mapa_asturias_p