12.7 C
Oviedo
martes 19, marzo 2024

Iniciativa pol Asturianu llevó la llingua asturiana a la Feria Internacional de Muestres d’Asturies

Lo más leído

¡Haz clic para puntuar esta entrada!
(Votos: 0 Promedio: 0)

Decenes de cargos públicos visitaron l’espaciu pa falar de la situación del asturianu.


Iniciativa pol Asturianu llevó la llingua asturiana a la Feria Internacional de Muestres d'Asturies
 
La ONG Iniciativa pol Asturianu tuvo presente esti añu na Feria Internacional de Muestres d’Asturies (FIDMA), convirtiéndose na primer presencia de la reivindicación llingüística nesti eventu pel que pasen cuasi un millón de persones cada añu.

Nel espaciu d’Iniciativa pol Asturianu tuvieron seis empreses comprometíes col usu l’asturianu: les editoriales Trabe, Saltadera y Pintar-Pintar, la productora CuatroGotes Producciones, la empresa d’animación Trebeyos y la tienda de regalu Miguina de Pan. Pa la organización foi una forma de visibilizar la normalidá del usu del asturianu nel ámbitu empresarial y tamién de financiar la presencia na Feria.

Sicasí, la reinvindicación foi la protagonista del espaciu, con delles actividaes alredor del idioma y cola visita de decenes de cargos políticos de la mayor parte de les formaciones polítiques presentes n’Asturies: el presidente d’Asturies, Javier Fernández, el conseyeru d’Educación y Cultura, los alcaldes de Llaviana, Carreño, Bimenes… y conceyales d’Uviéu, Xixón, Siero, Grau, Pravia… Amás d’eurodiputaos y responsables d’empreses, entidaes sociales y otres organizaciones.

Inaciu Galán, presidente de la organización, fixo un «balance perpositivu» de la presencia d’Iniciativa pol Asturianu na Feria de Muestres.

¡Haz clic para puntuar esta entrada!
(Votos: 0 Promedio: 0)

Más del autor /a

DEJA UNA RESPUESTA

Por favor ingrese su comentario!
Por favor ingrese su nombre aquí

- Publicidad -

Últimos artículos