Representantes políticos y sociales pasaron pel espaciu pa interesase pola situación del asturianu.
La Feria Internacional de Muestres d’Asturies acoyó per segundu añu consecutivu la presencia d’un espaciu d’Iniciativa pol Asturianu. Cola ONG tuvieron nel estand delles empreses comprometíes col usu del asturianu, les editoriales Saltadera y Trabe, CuatroGotes Producciones, Miguina de pan, Cartón In y la cerveza Ordum.
A lo llargo de les selmanes de la feria tuvieron llugar presentaciones de llibros d’autores como María Esther García López, Xuan Xosé Sánchez Vicente, Elvira Laruelo, David Artime, Inaciu Galán…
Ente los representantes políticos que visitaron l’estand, alcaldes, conceyales de toles formaciones polítiques, eurodiputaos, diputaos autonómicos y del Congresu.
