¡Haz clic para puntuar esta entrada!
(Votos: 0 Promedio: 0)
Arturo Somoano. Suburbia Ediciones
L’aventura entamaba aquella mañana de xunu. Los ferres esnalaben sobre’l valle a la gueta de ratos o esguiles, baxo un cielu azul con delles ñubes blanques como la ñeve. Al frente d’un grupu de venti xinetes marchábemos Llin, Iyán y yo camín de Cangues, onde mos axuntariémos tolos guerreros que partairíemos pa Llión. El mio pá partiere al mandu de cien guerreros a pie pa dirixir la llucha na zona l’altu Pilonia y Siero, usando la torre de Bres como base. Otros cien de los nuesos homes acudiríen a reforciar a los guerreros de Maliayo que yá peleaben ente’l Mons Iovii y la ría.
