La India tien los mesmos idiomes oficiales que la XE: 24. La India tiene dos idiomes oficiales pa tol territoriu: l’inglés y l’hindi y 22 idiomes oficiales nos estremaos estaos.
Ye l’estáu más pobláu del mundiu con 1.441 millones d’habitantes (2024).
Ello per delantre de China con 1.425 millones (2024) y de la XE que tien 449 millones (2024). China tiene un idioma oficial pa tol territoriu, el chinu mandarín y otros 11 idiomes oficiales “rexonales”.
España con 48 millones (2023) tien un idioma oficial pa tol Estáu, el castellanu y otros trés idiomes oficiales, el catalán, vascu y gallegu pa les autonomíes nes que se falen.
Asturies con 1 millón d’habitantes (2024) tien solo una feble proteición llingüística. El castellanu ye la única llingua oficial. L’asturianu inda nun ye oficial, anque hai una débil normalización social de recién, dempués de milenta años d’Hestoria nos que surdió d’un reinu propiu, el reinu d’Asturies.
El porcentaxe de falantes nuna comunidá ye’l datu más relevante a la hora de comparar la vitalidá de los idiomes, non solo’l númberu de falantes.
Nesi sen ún pue decatase que nun importa lo grande o pequeña que seya una entidá a la hora de la oficialidá y el respetu pa coles llingües minoritaries de sigo. Amás de que la oficialidá ye la única garantía pa la continuidá nel tiempu de les minoríes llingüístiques.
El porcentaxe de falantes nuna comunidá ye’l datu más relevante a la hora de comparar la vitalidá de los idiomes, non solo’l númberu de falantes.
D’esta miente, l’asturianu algamaría en pocos años a ser igual o mayor que’l castellanu nel territoriu d’Asturies.
Fai falta la voluntá política pa ello, y el so reflexu nos presupuestos, na política llingüística y na práutica de comunicación de les Alministraciones colos ciudadanos.
Prestixar un idioma minorizáu ye da-y un refuerciu positivu, que seya valoratible pa esraigonar los complexos de la población a la hora d’aniciar una conversación coles instituciones y ente ellos.
La oficialidá sedría la llinia a perpasar pal llogru de la normalidá d’usu de la llingua neses rellaciones sociales. L’emburrión definitivu pa muncha xente pa emplegar un idioma de menor usu públicu na sociedá.