Na baxamar de la mañana,
sobre los adoquinos,
relluma’l ferruñu del ayer
que la marea del tiempu olvida
en reloxes d’hora antigua.
La mano acuriosa’l desorde
qu’otres manes revolvieren
hai unos minutos o quiciabes
hai unos cuantos años.
Oxetos güérfanos qu’aguarden
que l’olvidu nun perdure
adivinando otra vida na mirada
del que pasa, na palabra
d’un vendedor de suaños.
Diliéndose como l’azogue
de los espeyos, la mañana,
ente música y baturiciu,
ensin priesa, asómase al mar
que vuelve, cobiciosu,
a recoyer los restos del naufraxu.
- PUBLICIDAD -