¡Haz clic para puntuar esta entrada!
(Votos: 2 Promedio: 4.5)
Vien de la borrina la llarga mano
que nos lleva, ensin preguntar siquiera
si los güeyos ciegos otru horizonte
persiguen o la llenta lluz escuende
tolos caminos que queden por andar.
Sabes que n’escoyer eches la vida
y que de nengún destín tas seguru,
escapar de les buelgues de la muerte,
esa solombra que te va persiguir
ye la única razón que t’envereda.
Enantes d’asomate a la ventana
queriendo ver l’amanecer del mundu,
irrepetible paisaxe del ayer,
vuelvi al camín abandonando’l suañu
qu’Edimión disfrutó xunto a Selene.
Llargu o curtiu, el trayectu ye únicu,
cuando pierdas el rellumu de los astros
y toles coses que la muerte apaga,
si a escures, volver a casa quixeres
poco importa que tuviere por facer.
