Hai que matar la señaldá

0
29
Libro de poemas
¡Haz clic para puntuar esta entrada!
(Votos: 0 Promedio: 0)

Hai que matar la señaldá,
finala, acabar con ella,
señalala bien col deu,
hasta apreta-y esos
güeyos húmedos y murnios.

Qu’apare,
que nun nos dexe mirar p’atrás,
que nun nos dexe cuntar
que fuimos antaño más felices.

Hai que matar la señaldá:
ye un deséu urxente,
como tirar esi álbum de semeyes,
como mirar asina al precipiciu.

Hai que matar la señaldá,
dexar que muerra,
que nos mate la so guapura.

En Y el mundu marcha (Saltadera, 2019)

DEJA UNA RESPUESTA

¡Por favor, introduce tu comentario!
Por favor, introduce tu nombre aquí