¡Haz clic para puntuar esta entrada!
(Votos: 6 Promedio: 3.8)
La nueite yá avanzaba
la soledá d’un día especial
polos requexos, polas nubles,
polos secretos caminos de la ciudá.
Chegaban los ecos d’un oráculu estrañu
que nada confirmaba,
pero abría un diagnósticu inevitable.
Yera una nueite nueva,
cuando las midayas diban dereitas al cielu
ya’l corazón paecía que por fin
alcontraba’l premiu del l.loureiru,
planta del amor que gana la vida.
En realidá nun había nada
ya si nos atenemos a los datos oxetivos
tou yera una invención,
una mentira, una falsa apariencia.
Sicasí, la creencia faía revivir na nueite
una esperanza inevitable,
como un dulce mofu,
como’l verde tapín
que cubre la pena
ya chena d’emoción la piedra absurda.
(De L.lume de l.luz)
¡Haz clic para puntuar esta entrada!
(Votos: 6 Promedio: 3.8)