¿Cómo?

¿Cómo cuenten les hores
nes fábriques de Calcuta
onde nun ven la lluz
del sol? ¿Cómo imaxinen
el color del cielu los
neños de Pequín, detrás
del fumu? ¿Sedrán quén
siquier a atalanatar la
esistencia del arcu la vieya
o lo que ye una estrella?
¿Cómo podrán pescudar
lo que ye una fartura
nel cuernu d’África,
cómo podríen facese a
la idea de qu’en casa
tengo trés caños pelos
que sal agua frío,
caliente ya infinito,
cuando me peta?

¿Cómo podemos nós atalantar
lo qu’ellos viven, lo qu’ellos sienten?

Ye simple. Nun somos a ello.
Por eso miramos pa otru llau.
Porque ye más cómodo
vivir d’espaldes.

(De Nes ruines de la nueche y les hores)