Hai hores

0
69
Poesías en Fusión Asturias
[Total: 1   Promedio: 5/5]

Hai hores nes que l’aire
paez negrucio, acarbonao,
y respiro con dificultá
los vieyos gases que m’arrodien.
Hai hores nes que muerro,
en nun sé qué ciudá o a qué hora,
falando de besos al atardecer
en caminos que lleven nenyures.
Apolmonáu pola falta d’aire
asomen les velees más enraigonaes
nos suétanos de l’alcordanza,
asomen les idees suicides
de la hora’l té, na que tantos
echen un pigazu y yo pienso
na estraña sensación de paz,
de cuando pienses en morrer.

Inaciu Galán, del poemariu Nes ruines de la nueche y les hores (Trabe, 2018)