No que yera un ocalital na rasa asturiana de Colunga, el MUXA ye’l muséu más visitáu d’Asturies con más de 150.000 visites nel 2023. Esti añu cumple venti años. L’allugamientu d’esti centru de paleontoloxía, la ciencia qu’estudia los animales y les plantes fósiles, nun ye casual. Al rodiu, dende Xixón a Ribeseya, na nómada costa de los dinosaurios, alcontráronse restos de dinosaurios ya xacimientos d’icnites o buelgues d’animal fosilizaes, protexíos como monumentos naturales pola llei, que daten de fai 150 millones d’años.
Poro, ye prestosu l’edificiu de so cola forma d’una buelga tridáctila de dinosauriu, na que cada deu caltién temátiques de les trés dómines del Mesozoicu: Triásicu, Xurásicu y Cretácicu.
La parte del Xurásicu asturianu recueye fósiles d’icnites, restos de vertebraos, fósiles vexetales, cachos de tueros y d’invertebraos.
Nel esterior hai unos xardinos llantaos con repliques de dinosaurios y xuegos infantiles p’averase a esa dómina tan antigua.
El Muséu del Xurásicu d’Asturies (MUXA) pue ser la proba de los museos nes agües de la normalización llingüística. y tola información estática de la so web tamién tien versión n’asturianu. Tamién les audioguíes, les guíes de mano y los testos xenéricos tán disponibles en llingua asturiana. Les señales incluyen l’asturianu, inclusive nel cartelu de 20 Aniversariu asitiáu na entrada.
L’axenda d’actividaes d’esti añu pa cellebralo ye perllarga, cuasi 50. Dende les xornaes de puertes abiertes cola actuación del grupu Big Van Ciencia hasta visites guiaes a los resclavos fósiles de les sableres averaes.
Esposiciones, conferencies, talleres, maletes viaxeres, gastronomía ente dinosaurios y arte, cultura, deporte y turismo. Traten d’averar la paleontoloxía d’un mou entreteníu a públicu de toles edaes.
Por pidir más, podíen rematar col nome’l muséu. Nun muséu de ciencia abierta consolidáu dafechu nel calendariu.
Eso sí, ello nun implica qu’esta ufierta cultural d’ésitu xeneralice lo que vien a ser una alternativa pal monocultivu turísticu. Esto ye, nun facer del país un parque temáticu pa un turismu masivu.