22.3 C
Oviedo
domingo 14, julio 2024

El meyor cantar

Lo más leído

¡Haz clic para puntuar esta entrada!
(Votos: 5 Promedio: 5)

La final del Premiu Camaretá al Meyor Cantar en llingua asturiana cellebróse esta seronda nel Teatru La Llaboral de Xixón entamáu pol Gobiernu asturianu.
Foi la XV edición, colo que yá ta afitada, na que caben toa triba d’estilos musicales que tengan correición llingüística n’asturianu y n’eonaviegu. El premiu ye de 6.000 euros, el troféu, un videuclip y la so difusión per dellos conceyos, al traviés del circuitu Autores nel Camín del programa Asturies, Cultura en Rede.

Esti añu participaren cuatro grupos musicales, y el premiu del xuráu entrególu Algaire que repitió’l cantar ganador anterior nomáu “Coral y maera” y fizo un conciertu mientres el xuráu albidraba separtáu.
Hebo vindicación feminista ente los candidatos, que foron:
-Vero Rubio. Con “Dixo miou padre”, lletra d’ella mesma, de xeitu intimista.
-Marisa Valle Roso. Con “Tonada”, lletra d’ella sobre un tema tradicional anováu.
-Alienda. Con “Zanca de cabra”, lletra de Roberto González-Quevedo sobre tema tradicional d’Eva González, cantáu por Bárbara González-Quevedo. Power folk col guapu aquel de tar fechu por trés xeneraciones de la mesma familia d’asturfalantes.
-José Manuel Tejedor. Con “Les tos nales”. Lletra de Gema Fernández. Con un llargu hestorial inclusive internacional al llombu.
El premiu de difícil eleición según el propiu xuráu, foi pa Vero Rubio, que tornó a tocar el cantar dempués de recoyer el troféu ente llárimes.

Esti premiu Camaretá, nomáu asina n’honor al primer grupu musical de vindicación llingüística ñacíu en 1975, del que surdiría dempués Nuberu. Ye l’únicu premiu institucional nel so xéneru, amuesa la muncha calidá de los artistes, la vitalidá de les sos creaciones y puxa pola anovación y espardimientu de la llingua asturiana. Na cabera edición hebo un promediu de 15.000 espectadores na TPA.
Los recursos nesi sen nun son los de les llingües oficiales. De toes formes habría d’aumentase esi presupuestu pa la normalización del idioma con iniciatives que lleguen al conxuntu la sociedá. Nesti casu al traviés de la música. Magar hai milenta posibilidaes más.

¡Haz clic para puntuar esta entrada!
(Votos: 5 Promedio: 5)

Más del autor /a

DEJA UNA RESPUESTA

Por favor ingrese su comentario!
Por favor ingrese su nombre aquí

- Publicidad -

Últimos artículos