15.9 C
Oviedo
jueves 3, julio 2025

Xorrez el cáncanu

Xuan Porta
Xuan Porta
Xuan Porta estudió bioloxía por vocación y conoció'l paisaxe natural y humanu nel tiempu llibre. Escribió dalgún poemariu n'asturianu, llingua na que ye articulista en prensa y revistes fai munchos años, sobre la natura y cultura del país.

Lo más leído

Al rodiu’l Día Mundial escontra’l Cáncanu, el 4 de febreru, la OMS espublizó una encuesta fecha en 115 países, qu’amuesa que la mayoría nun ufierta atención afayadiza pa esta malura.

Calcúlase que nel 2022 hebo 20 millones de casos nuevos de cáncanu y cuasi 10 millones de finaos pola mor dél. Al rodiu d’ún de cada cinco persones desendolcará cáncanu a lo llargu la so vida.
Namái el 39% los países anubríen aspeutos básicos pal so tratamientu dende los servicios públicos. Namái el 28% facíenlo colos curiaos paliativos, inclusive l’amenorgamientu del dolor.

Los más frecuentes foron el de pulmón, el de mama y el colorrectal, el de próstata y el d’estómadu.
Los finaos foron pol de pulmón masculín, el colorrectal, el de fégadu, el de mama femenín y el d’estómadu.
La previsión de los factores de riesgu correspuenden al tabacu, l’alcohol y la obesidá, xunto a la contaminación del aire.

La prevención ye fundamental pa la deteición temprana y amuesa grandes diferencies ente los países dependiendo del so IDH (Índiz de Desendolcu Humanu).
La desigualdá ente los estaos encuestaos supón una variable a camudar nun futuru más equitativu y solidariu.
Porque recursos materiales y humanos hailos. Magar qu’esta malura seya una consecuencia de la edá, en munches ocasiones y poro, que nun se pue torgar la so apaición nel ser humanu, como se deduz de les investigaciones realizaes na Universidá d’Uviéu.

Asturies ye per cuartu añu siguío la comunidá con mayor tasa de cáncanu del Estáu. La contaminación pue ser el fautor cimeru. Ye la tercer causa de muerte nel país.
Tamién ye un pilancu la desigual distribución d’estos recursos ente los estaos d’altu IDH y de baxu IDH.
D’esta miente, convién a la nuesa especie facer más casu de les organizaciones internacionales qu’a les zunes guerreres de dellos estaos, por toos conocíos.

¿De cuánta utilidad te ha parecido este contenido?

¡Haz clic en una estrella para puntuarlo!

Promedio de puntuación 5 / 5. Recuento de votos: 3

Hasta ahora, ¡no hay votos!. Sé el primero en puntuar este contenido.

Más del autor /a

DEJA UNA RESPUESTA

¡Por favor, introduce tu comentario!
Introduce aquí tu nombre


Últimos artículos