5.4 C
Oviedo
viernes 29, marzo 2024

Nepocianu I, rei d’Asturies

Lo más leído

¡Haz clic para puntuar esta entrada!
(Votos: 0 Promedio: 0)

Nepocianu I reinó n’Uviéu como rei d’Asturies nel añu 842 dellos meses hasta que lu destronaron pola fuerza les armes. Alfonsu II morriera ensin descendencia un 20 de marzu del 842 y Nepocianu I, comes Palatii y cognatus regis, ocupa’l tronu d’Asturies.

Nepocianu reina durante meses hasta que surden problemes pol derechu sucesoriu de Ramiru, fíu de Bermudu I. Ramiru ta lloñe, pa Bardulia, onde pretende casamientu y n’enterándose de la proclamación del rei Nepocianu entama una estratexa pa destronalu y ponese él como rei marchando pa Lugo pa formar un exércitu y avanzar escontra Uviéu pa tomar pola fuerza la corona asturiana.
Nepocianu I pertenecía al llinaxe de Pelayu y cuntaba con apoyos de los ñobles ástures d’Uviéu y de los vascones. Tenía derechu a la corona per vía matrillinial como cuñáu d’Alfonsu II. Esti derechu per vía femenina yera tradicional na monarquía asturiana dende Pelayu y pervivía na rexón de Primorias, onde nació’l Reinu Asturianu. Na Gallaecia, más romanizada, o na meseta, esti derechu célticu nun esistía y los mecanismos sucesorios de la monarquía asturiana entamen a ponese en cuestión dende estos territorios. Ramiru quier quita-y la corona d’Asturies a Nepocianu I alegando qu’él ye fíu d’un rei y Nepocianu non.
Apoyáu polos lucenses Ramiru marcha con un exércitu pa Uviéu pa enfrentase a Nepocianu I y en Curniana, na ponte veya, atópase coles tropes ástures y bascones del rei Nepocianu onde tien llugar la Batalla de la Ponte del Narcea. En viendo la derrota, Nepocianu I marcha pa Primorias buscando ablugu, onde lu prinden los condes Escipión y Sonna. Ramiru proclámase n’Uviéu rei d’Asturies y castiga al rei Nepocianu cola pena de ceguera encerrándolu nun conventu de por vida. Dende prisión Nepocianu preparó una conspiración colos condes palatinos Aldroitu y Piniolo contra Ramiru qu’ésti reprimió con crueldá.

Los cronistes oficiales posteriores empéñense en dar a Nepocianu I el tratamientu de “rei usurpador” pero hai duldes sobre ello. Nepocianu exerció pacífica y efectivamente como rei d’Asturies durante un tiempu col apoyu de la Corte ovetense y el so reináu termina cola Batalla de Curniana provocada por Ramiru.

Les cróniques falen de la gran violencia qu’esistió nel reináu de Ramiru, de los fuertes castigos contra delincuentes y bandíos y de la persecución de vieyos ritos relixosos pagano-célticos, consecuencia d’un ambiente de refugu social hacia esti rei. Ramiru tuvo qu’enfrentase a les invasiones normandes de Wittingur contra Brigantium y Xixón y saqueó Isbiliya. Construyó’l palaciu del Naranco y la ilesia de Lliñu n’Uviéu y va camudar la norma sucesoria instaurando’l sistema patrillinial de primoxenitura. Nepocianu I representaba la cultura societaria céltio-astúrica de goviernos asambleario-participativos. Ramiru personificaba un neo-romanismu imperial, necesariu pa los planes bélicos y espansionistes del Reinu.

Nepocianu I, rei d’Asturies
Nepocianu I, rei d’Asturies

Los cronistes oficiales posteriores empéñense en dar a Nepocianu I el tratamientu de “rei usurpador” pero hai duldes sobre ello. Nepocianu exerció pacífica y efectivamente como rei d’Asturies durante un tiempu col apoyu de la Corte ovetense y el so reináu termina cola Batalla de Curniana provocada por Ramiru. Esti conflictu orixina entrugues non esclariaes como la propia sucesión d’Alfonsu. Nun s’entiende que nel momentu de la muerte del vieyu rei, d’unos ochenta años, muerte esperada, seya Nepocianu el que s’alcuentre n’Uviéu y el pretendiente Ramiru tuviere en Castiella. Si Ramiro yera’l lexítimu suceror del so primu nun s’entiende que tuviera ausente si pretendía ser candidatu. Nepocianu sí taba n’Uviéu nesi momentu, señal de que yera pretendiente al tronu ocupando un altu cargu, con beneplácitu del anterior rei, con influencia nel ámbitu cortesanu y espectatives de suceder. Otru datu sospechosu ye lo que los cronistes oficiales pretenden ocultar: Alfonsu II y Nepocianu I yeren parientes. La Nómina Lleonesa diz qu’Alfonsu II yera cognatus de Nepocianu, reconociéndo-y un reináu lexítimu efectivu.
Nepocianu I sedría l’esposu d’una hermana del monarca, el cuñáu. Yera tamién un rei vieyu, una edá asemeyada a la de la hermana d’Alfonsu. “Cognatus” podía ser un parentescu más próximu, sobrín o familiar de la reina madre Munia o esposu d’una fía de los reis, y los sos derechos a la corona taríen garantizaos. En morriendo Alfonsu II lo que se plantea ye más qu’una griesca sucesoria: un conflictu ente dos xeitos diferentes d’entender la xefatura, ente dos normes sucesories y respecto a la figura del rei. Los galaicos apoyen a Ramiru. Ástures, bascones y tola corte ovetense a Nepocianu. Tol reináu ramirense sedrán guerres internes. Rebeliones de bascones, ámbitu de la reina Munia, fueron consecuencia d’anteriores apoyos a Nepocianu. Nepocianu yera’l nome d’un emperador romanu que significa “ñetu” y usábase nes dinastíes pa los ñetos de reis.

¡Haz clic para puntuar esta entrada!
(Votos: 0 Promedio: 0)

Más del autor /a

DEJA UNA RESPUESTA

Por favor ingrese su comentario!
Por favor ingrese su nombre aquí

- Publicidad -

Últimos artículos