Bélxica furrula como Estáu independiente dende 1830.
Hai trés rexones belxicanes: Flandes, Bruxeles y Valonia.
A lo primero, l’estáu fundóse como reinu francofalante. Dempués Flandes ganó’l puxu demográficu y económicu, y el neerlandés, común colos Países Baxos, compartió espaciu col francés. Esti idioma faláu pol 60% la población, pasó a ser cooficial y el país federal.
Anguaño divídese en cuatro fasteres llingüístiques: Flandes (neerlandés) Bruxeles (francés y neerlandés). Valonia (francés) y l’este de la provincia de Liexa (alemán).
Bruxeles ye la capital de la XE que tien el neerlandés como un idioma oficial. Delles de les sos instituciones europees son el Parllamentu Européu, el Conseyu d’Europa, la Comisión Europea y el Comité Européu de les Rexones ente otres.
Bruxeles ye un panorama espeyu d’Europa, con dos llingües oficiales na ciudá, trés nel país y na XE.
Los flamencos falen práuticamente toos namái que neerlandés y los valones, francés. Ye un mou d’afitar a la xente nel so territoriu.
Pente medies ta Bruxeles, el llugar capital d’Europa onde conviven oficialmente dambes les dos llingües.
L’Estáu belga ye’l que cunta con más emigrantes asturianos n’Europa. El so retornu ye difícil pola falta d’oportunidaes llaborales equí. Un drama que continúa ensin una fin visible. Perdemos población autóctona ente xente avieyao y falta de ñaciatos, anque caltiénse’l millón d’habitantes pola inmigación.
La oficialidá pue tener l’asturianu como requisitu pa exercer determinaos trabayos na estaya pública y arraigonar d’esta miente a la población nel país.
Ye una de les formes de torgar la emigración que marca la demografía d’Asturies dende cuantayá.
Y d’inclusión de los nuevos asturianos na nuesa cultura al traviés del deprendimientu del idioma llariegu.