Espertos falarán nel Seminariu 'Oficialidá, el camín constitucional de futuru pal asturianu' na Universidá d'Uviéu

Imprimir E-mail
(0 Votos)
Escrito por Inaciu Galán, presidente d'Iniciativa pol Asturianu   
Martes, 27 de Febrero de 2018 14:23
Los díes 2 y 3 de marzu la Universidá d'Uvieu va acoyer a espertos amosando les razones, consecuencies y ventayes d'esti cambiu estatutariu dende distintes perspectives profesionales y académiques.
iniciativa-asturianu-banda-logoCartel Seminario Iniciaciva pol Asturianu
La ONG Iniciativa pol Asturianu entama'l seminariu "Oficialidá, el camín constitucional de futuru pal asturianu" nun espaciu d'especial simboloxía, la edificiu hestóricu de la Unviersidá d'Uviéu. Nestes dos xornaes de Seminariu la entidá quier amosar a la sociedá asturiana les motivaciones, consecuencies y beneficios que va traer la inclusión del estatuts d'oficialidá nel estatutu d'autonomía.
Ente toles ponencies ya intervenciones, puestes por espertos de prestixu internacioanl reconocíu, y bien conocederes de la realidá asturiana y española, les del escritor Xuan Bello, la investigadora Isabel Hevia o'l xurista y lletráu del Tribunal Constitucional José Manuel Pérez Fernández. Inaciu Galán, presidente d'Iniciativa pol Asturianu esplica "Cuntamos con una riestra de profesionales de luxu, queremos ufrir a la sociedá tola información sobre lo muncho positivo que tien la oficialidá en tolos ámbitos: sistema educativu, creación de riqueza y empléu, drechos y llibertaes, etc."
El programa completu va dase a conocer la selmana que vien nuna rueda de prensa, pero dende la organización yá anuncien que va ser un seminariu que "va sirvir pa valtar munchos prexuicios y poner en circulación muncha información positiva que nun se te dando a los asturianos". Galán recuerda que "pidir la oficialidá nun ye más que pidir que se cumpla la Constitución n'Asturies, hai un consensu social y políticu y ye'l momentu d'avanzar nesa dirección, buscando un modelu propiu p'Asturies. Con esti seminariu queremos aportar nesi llabor".
Cabe destacar que los actos va inauguralos el rector de la Universidá d'Uviéu, Santiago García Granda, que yá amosó nos meses pasaos l'apoyu de la Universidá a la oficialidá.
Les xornaes que van ser el 2 y 3 de marzu van ser abiertes al públicu anque se recomienda inscribise. Quien quiera cuntar con un diploma de reconocmientu habrá facer un pagu de diez euros nel momentu de facer la inscripción, na páxina web d'Iniciativa pol Asturianu. Amás, como pieslle del seminariu, el sábadu 3 dende les 14:30 hores va haber una espicha na sidrería La Pumarada d'Uviéu (C/ Gascona, 8), a la que pueden apuntase los asistentes por 25 euros.
El seminariu va tener llugar nel Aula Magna del Edificiu Hestóricu de la Universidá d'Uviéu, el viernes 2 y sábadu 3 de marzu y puede apuntase quien lo desee, calcando ya inscribiéndose na páxina web: www.iniciativapolasturianu.org

SeminariuOficialidá, el camín constitucional de futuru pal asturianu
Aula Magna de la Universidá d'Uviéu. Edificiu Hestóricu. Vienres 2 y sábadu 3 de marzu de 2018

Vienres, dos de marzu
16:00-16:30 - Acreitación de los asistentes. Entrega d'identificaciones y materiales.
16:30-17:00 - Inauguración institucional del Seminariu. Santiago García Granda, Rector de la Universidá d'Uviéu & Inaciu Galán y González, Presidente d'Iniciativa pol Asturianu.
17:00-18:00 - Marcu xeneral d'aplicación de la oficialidá. Xosé Antón González Riaño, Presidente de l'Academia de la Llingua Asturiana.
18:00-18:30 - Posa pal café.
18:30-19:00 - Estrenu del documental: La vida ensin oficialidá. Les consencuencies de la falta de drechos llingüísticos n'Asturies.
19:30-20:30 - Constitución y llingües: Oficialidá, conteníu y desendolque. José Manuel Pérez Fernández. Lletráu del Tribunal Constitucional y Profesor de Drechu Alministrativu de la Universidá d'Uviéu.

Sábadu tres de marzu
10:00-10:30 - L'apoyu social al asturianu. Datos del III Estudio Sociolingüístico de Asturias. Francisco José Llera Ramo. Caderalgu de Ciencia Política de la Universidá del País Vascu y Director del Euskobarómetro.
10:30-11:30 - Mesa redonda: L'exemplu de la normalidá de la normalización nos conceyos. Representantes de conceyos onde hai modalidaes d'oficialidá que se desarrollen con normalidá cuenten la so esperiencia.
11:30-12:00 - Posa pal café.
12:00-12:30 - Aspectos económicos de la oficialidá: nin tantu coste nin namás coste. Xose Alba Alonso. Profesor d'Economía Aplicada na Universidá d'Uviéu.
12:30-13:00 - La oficialidá y el desarrollu cultural d'Asturies. Xuan Bello. Escritor. Premiu Nacional de Lliteratura Asturiana 2017.
13:00-14:00 - Mesa redonda: ¿Qué modelu d'oficialidá precisa Asturies? Construyendo'l consensu constitucional. Representantes de los partíos presentes na Xunta Xeneral que lleven la oficialidá nel so programa dialoguen sobre'l modelu p'Asturies.
14:30 - Espicha de pieslle na Sidrería La Pumarada (Cai Gascona, 8)
 
scroll back to top
 

Directorio de empresas

silvota_trabajador

Números publicados

portadas

Concejos

mapa_asturias_p