12.5 C
Oviedo
domingo 21, abril 2024

Tolerancia pal sieglu XXI

Lo más leído

¡Haz clic para puntuar esta entrada!
(Votos: 9 Promedio: 4.6)

Nestos tiempos de falta de diálogu y de brutalidaes béliques ente Israel y Palestina, n’Ucraína, el Yeme, etc. asina como discriminaciones n’otros llugares más o menos averaos a nós, nun ta de más remembrar el sentíu de la tolerancia roblada pola UNESCO en 1995. En resume, hai de trabayar pa facer realidá que les cultures, los pueblos y les llingües han convivir n’harmonía.

D’esta miente, ehí van unos trazos de la tema:
Na Declaración de Principios sobre la Tolerancia de la UNESCO, tomando nota (ente otres) de la Declaración sobre los Derechos de les persones pertenecientes a minoríes nacionales o étniques, relixoses y llingüístiques:

Alarmada pola intensificación actual de los actos de intolerancia, violencia, terrorismu, xenofobia, nacionalismu agresivu, racismu, antisemitismu, esclusión, marxinación y discriminación perpetraos escontra minoríes nacionales, étniques, relixoses y llingüístiques, refuxaos, trabayadores emigrantes, inmigrantes y grupos vulnerables de la sociedá, asina como polos actos de violencia ya intimidación escontra persones qu’exercen el so drechu de llibre opinión y espresión, tolos cualos constitúin amenaces pal afitamientu de la paz y de la democracia nel planu nacional ya internacional y torgues pal so desendolcu.

Declárase lo que vien darréu:

Art.1 Significáu de la tolerancia
1.1 La tolerancia consiste nel respetu, l’aceutación y apreciu de la bayurosa diversidá, de les cultures del nuesu mundiu, de les nueses formes d’espresión y medios de ser humanos (…).
1.2 Tolerancia nun ye lo mesmo que concesión, condescendencia o indulxencia. (…) ye una actitú activa de reconocencia de los drechos humanos universales y les llibertaes fundamentales de los demás (…)
1.3 La tolerancia ye la responsabilidá que sofita los drechos humanos, el pluralismu (cultural), la democracia y l’Estáu de Drechu. Supón el refugu del dogmatismu y del absolutismu (…)

Art.2 La función del Estáu
2.3 Pa qu’alite l’harmonía internacional, ye esencial que los individuos, les comunidaes y les naciones aceuten y respeten el calter multicultural de la familia humana.

Art. 3 Dimensiones sociales
(…) El mundiu carauterízase pola diversidá, la intensificación de la intolerancia y de los conflictos, lo que representa una amenaza potencial pa toles rexones.

Art. 4 Educación
4.2 La educación pa la tolerancia ha considerase un imperativu urxente; poro ye preciso fomentar métodos sistemáticos y racionales del enseñu de la tolerancia qu’aborden los motivos culturales, sociales, económicos, políticos y relixosos de la intolerancia (…)
4.3 (…) col envís de formar ciudadanos sollertes a los demás y responsables, abiertos a otres cultures, capaces d’apreciar el valir de la llibertá, respetuosos de la dignidá y les diferencies de los seres humanos y capaces de torgar los conflictos o de resolvelos per aciu de medios non violentos.

Art.5 Compromisu pa l’aición
Comprometémosnos a fomentar la tolerancia y la non violencia per aciu de programes ya instituciones nos ámbitos de la educación, la ciencia, la cultura y la comunicación.

Art.6 Día Internacional de la Tolerancia
(…) sopelexamos solemnemente Día Internacional pa la Tolerancia’l día 16 de payares de cada añu.

¡Haz clic para puntuar esta entrada!
(Votos: 9 Promedio: 4.6)

Más del autor /a

Medios n’ast

El meyor cantar

1 COMENTARIO

DEJA UNA RESPUESTA

Por favor ingrese su comentario!
Por favor ingrese su nombre aquí

- Publicidad -

Últimos artículos