Imaxina que tu y yo,
que yo y tu,
güei,
bien ceo, al amanecerín,
falamos de ti y de mi,
de mi y de ti,
de tu y de yo,
de yo y de tu.
Cuando’l sol, inda dormilientu
tiembla colos nuesos temblores.
y tu y yo,
y yo y tu,
falamos de ti y de mi
echaos n’almuhada del deséu.
Si pasamos la nueche en vela,
¡qué vamos contanos agora…!
Qué vamos dicinos de ti y de mi,
de mi y de ti,
si pasamos,
tu y yo,
yo y tu,
tola nueche ensin pallabres,
faciendo l’amor a cada poco.