9.3 C
Oviedo
miércoles 28, febrero 2024

Medios n’ast

Lo más leído

¡Haz clic para puntuar esta entrada!
(Votos: 2 Promedio: 5)

N’Asturies, los medios de comunicación, polo xeneral, nun son daos a amosar espacios n’asturianu. Nin los públicos, pesie a los sos compromisos estatutarios, nin los privaos, a vegaes pesie a les sovenciones recibíes con esi envís.

Hebo un selmanariu y hai dellos llugares n’Internet y seiciones na prensa en llingua asturiana. Cuntaes esceiciones. Pero al gran públicu llégase mayormente al traviés de la radio y sobre manera de la televisión.
L’únicu cambéu de recién na tele autonómica foi’l resume diariu de les noticies n’asturianu d’unos 5/8 minutinos, dempués de dar les noticies en castellanu.

El Gobiernu d’Asturies nun fai enforma por esparder l’idioma per estes ferramientes comunicatives. Poro, pídese la dimisión del direutor de la RTPA, dende fai tiempu dende’l movimientu asociativu na defensa del idioma llariegu. Agora tamién, poles mesmes causes: namái un 15% de la programación ta n’asturianu, según datos de la propia RTPA. Ye una presencia mínima y contraria a lo que recueye la Carta Europea de les Llingües Minoritaries.

Les fases comunes nos casos de normalización llingüística inclúin d’una banda’l xorrecimientu del númberu de falantes y la frecuencia del so usu, xunto cola entrada de la minorizada n’ámbitos ocupaos pola dominante, davezu nos ámbitos públicos y formales d’otra banda.
Nidiamente la Educación y los medios de comunicación son los preseos con más pesu nesi sen.

Namái un 15% de la programación ta n’asturianu, según datos de la propia RTPA. Ye una presencia mínima y contraria a lo que recueye la Carta Europea de les Llingües Minoritaries.

L’usu normal de la toponimia autóctona en tolos programes, asina como amosar l’idioma minorizáu en programes de toa triba, non solo d’humor y entretenimientu, ye clave pa dignificar y llograr el calter de llingua a respetar, a lo menos n’igualdá de condiciones que la dominante.

Desendolcar dafechu la Llei d’usu y promoción del asturianu, aprobada en 1998 ya incumplida dende entós, anque ye un pasu más pa la sobrevivencia del idioma, nun ye enforma. Poro, la Xunta pola Defensa de la Llingua Asturiana, lleva 40 años vindicando la oficialidá como’l preséu más afayadizu pal caltenimientu de les llingües minorizaes. Axuntó fai poco a 30.000 persones n’Uviéu con esi oxetivu. Cuando Asturies raspió’l llograr los diputaos necesarios pa la reforma l’Estatutu d’Autonomía que la inxertare.

Porque ensin medios de comunicación n’asturianu, la población siente una presión cada vegada mayor p’abandonar la so llingua llariega a favor del castellanu. Y ello fai que medre la perda de d’asturfalantes.
Fechu que solo ye compensáu pol esfuerciu que se fai pol asturianu en toles estayes educatives.

La normalidá, que vien adulces, concasa cola presencia na que los medios amuesen los sos conteníos n’ast. Qu’han d’espoxigar, nidiamente, si se nagua la normalización llingüística.

¡Haz clic para puntuar esta entrada!
(Votos: 2 Promedio: 5)

Más del autor

DEJA UNA RESPUESTA

Por favor ingrese su comentario!
Por favor ingrese su nombre aquí

- Publicidad -

Últimos artículos