Esta primavera, dempués de les vasques y les catalanes, los asturianos podemos votar otra vegada’l 9 de xunu nes europees.
Nes vinientes eleiciones europees decídense munches cuestiones que mos afeuten.
Europa tien les instituciones con mayor poder executivu, como la Comisión. La Presidencia nueva tendrá muncha influencia na política continental. El Parllamentu empobinará el sen y los fondos europeos per cinco años. Asturies y España tán dende 1986 nel proyeutu común que más drechos facilita. Decidiráse sobre les lleis y les normes pa 450 millones de persones. Daráse más fuercia a la democracia na mayor votación tresnacional del mundiu. Sofítase la idega d’un Gobiernu européu que xuna meyor a los Estaos del continente na so integración supranacional nun futuru de paz y convivencia.
Los representantes asturianos n’Europa puen exercer la so influyencia nes cuestiones que mos cinquen, como’l modelu económicu, el desemplegu, la inmigración, la educación, la sanidá, y les exes culturales.
Sicasí, dende les instituciones fálase de midíes pa la mocedá, pero paez que nun cunta con ella pa ello. Mientres que la mocedá nun entiende bien cómo furrulen les instituciones europees.
Sicasí, dende les instituciones fálase de midíes pa la mocedá, pero paez que nun cunta con ella pa ello. Mientres que la mocedá nun entiende bien cómo furrulen les instituciones europees.
La complexidá de los programes eleutorales allóña-yos de la so llectura nesti tramu d’edá, que carez el paru, la precariedá, la falta de viviendes propies y la emigración como daqué naturalizao na so realidá diaria. A lo que paez ayena la política como la política a ellos y elles. Qu’afiten tener enforma con ocupase de lo de so.
Por embargu, munchos decátense de que si nun voten otros fadránlo por ellos y nun quieren que’l so votu s’empobine al aviesu de los sos petites. Hai de llendar l’estremismu ultra, una amenaza pa los valires, llibertaes civiles y drechos fundamentales europeos. Na mocedá ta’l guañu pa siguir alantre y enanchar el gran proyeutu democráticu européu.
Amás ta la cuestión de que munches de les polítiques qu’afeuten a Asturies decídense na X.E. Como la Carta Europea de les Llingües Rexonales o Minoritaries, que diz: “El drechu a emplegar una llingua rexonal o minoritaria na vida privada o pública constitúi un drechu impresciptible”.
Too ello, va empobinase nes eleiciones europees que tán ehí.