Noticies -agosto 2018-

Imprimir E-mail
(0 Votos)
Escrito por Fusión Asturias   
Miércoles, 01 de Agosto de 2018 12:38
  • L'asturianu tuvo presente nun alcuentru mundial de llingües en Gasteiz
  • Iniciativa pol Asturianu torna a tar presente na Feria Internacional de Muestres d'Asturies

iniciativa-asturianu-banda-logo

L'asturianu tuvo presente nun alcuentru mundial de llingües en Gasteiz

iniciativa-1-082018

Inaciu Galán ya Iván Llera, presidente y vocal d'Iniciativa pol Asturianu respectivamente, representaron estos díes a la ONG Iniciativa pol Asturianu nel HIGA!, el Segundu Alcuentru de Mocedá Falante de Llingües Minorizaes, que tuvo llugar ente los díes 16 y 19 de xunetu en Gasteiz.

Iniciativa pol Asturianu quixo aprovechar la so presencia nesti eventu pa siguir estrechando llazos d'amistá y collaboración con otres organizaciones que representen a llingües minorizaes de los cinco continentes.
Los representantes d'Iniciativa pol Asturianu participaron en dellos talleres contando les esperiencies de la organización, la situación actual al rodiu de la llingua asturiana y presentaron el documental 'La vida ensin oficialidá'. El reportaxe, que recueye dellos casos de discriminación llingüística, estrenóse en febreru nel seminariu 'Oficialidá, el camín constitucional pal futuru del asturianu' celebráu en febreru n'Uviéu y que cuntó cola participación del rector de la Universidá, Santiago García Granda.
La celebración d'esti alcuentru coincide con un momentu de gran atención mediática y de les instituciones internacionales pol estatus llegal de la llingua asturiana. "Nesti monentu nel que se ta falando tanto de la oficialidá ye importante conocer esperiencies d'otres comunidaes llingüístiques que yá pasaron por procesos de normalización", defendió Inaciu Galán al entamu del actu.

Iniciativa pol Asturianu torna a tar presente na Feria Internacional de Muestres d'Asturiesiniciativa-2-082018

Iniciativa pol Asturianu anunció que va volver a tener un stand na Feria Internacional de Muestres d'Asturies (FIDMA) d'esti añu. Un espaciu que la organización vuelve a compartir con empreses comprometíes col asturianu y que va da-y visibilidá y presencia a la llingua asturiana nel eventu, pol que van pasar cientos de miles de persones.

Xunta a les empreses, Iniciativa pol Asturianu, que como ye norma pa la organización nun recibe nenguna ayuda pública pa la organización de les sos actividaes y tampoco nesti casu de la organización de la Feria, tendrá espaciu tamién nel stand pa los sos proyectos de medios de comunicación, el programa de radio Iniciativa pol Asturianu nes ondes y la canal de TV per internet Alderiques d'Asturies.
L'espaciu d'Iniciativa pol Asturianu na FIDMA va cuntar esti añu tamién con actividaes, sorteos, firmes de llibros, xuegos tradicionales y otres iniciatives que van animar la presencia de la organización y les empreses na Feria Muestres, incluyendo la visita de representantes políticos y cargos institucionales que van visitar l'espaciu, como yá ocurriera l'añu pasáu.
scroll back to top
 

Directorio de empresas

silvota_trabajador

Números publicados

portadas

Concejos

mapa_asturias_p