13.4 C
Oviedo
jueves 28, marzo 2024

Palmarés del 8u Festival de Cine Asturianu

Lo más leído

¡Haz clic para puntuar esta entrada!
(Votos: 0 Promedio: 0)

La película ‘Un contratu extrañu’ de la realizadora Teresa Marcos y el curtiumetraxe ‘La muyer del fatiellu gris’ del director Luis Trapiello fueron les obres ganadores de la 8ª edición del Festival de Cine Asturianu 2013 qu’entregó los sos Premios nuna Gala celebrada nel Teatru Filarmónica d’Uviéu el 17 d’abril.
El Premiu al Meyor Documental recayó na obra titulada «Sombra» del realizador ovetense Juan Caunedo, un testimoniu gráficu de les muyeres socialistes militantes de la JSU que sufrieron la represión y tortura depués de la Guerra de 1936.
El Premiu a la Meyor Actriz foi pa Olga Montero pol papel de «Un contratu extrañu» y el del Meyor Actor pa David S. Cabal pola so actuación na mesma película. Los sos personaxes consiguen tresmitir una sensación especial mui llograda a mediu camín ente la realidá y la ficción.
«Un contratu extrañu» ye la primer película de la realizadora Teresa Marcos, nacida en Cangues d’Onís, premiada yá anteriormente nel Festival de Cine Asturianu por cutriumetraxes como «Llencería d’ocasión» y «Por tar contigo». Nesta película la realizadora vuelve a inspirase en temes non mui gratos pa la sociedá conservadora, nesti casu la prostitución masculina, pa recrear unos personaxes que xueguen ente la realidá y la ficción a través d’unos diálogos mui creíbles, dientro tou ello d’una cierta escuela mui repetida en tol cine asturianu en xeneral que podemos clasificar como de realismu cinematográficu.

El Premiu d’Honor d’esta edición foi pal actor allandés recientemente fallecíu Frank Braña (La Puela d’Allande 1934 – Collado Villalba 2012) actor de llarga trayectoria que dedicó tola so vida al cine y trabayó per tol mundu en más de 167 producciones.

Pel so llau, el curtiumetraxe ganador, «La muyer del fatiellu gris» del director ovetense Luis Trapiello, y producida por BlasterTV vuelve afondar nesti realismu cinematográficu nesta ocasión de tipu históricu pa recrear un guion inspiráu na represión exercida pol franquismu nes cárceles durante la postguerra civil.
El Segundu Premiu al Meyor Curtiumetraxe foi pa «Módulu 10» de les realizadores Teresa Marcos y Ángeles Cachón, una orixinal visión de la convivencia d’un grupu de muyeres recluses na prisión de Villabona y el Tercer Premiu na categoría de curtiumetraxes foi pa «Machine wars» de Juan Caunedo, una inxeniosa parodia rodada en Cuba onde se mecen realidá, fantasía y una cuidada realización visual y actoral.
El Premiu d’Honor d’esta edición foi pal actor allandés recientemente fallecíu Frank Braña (La Puela d’Allande 1934 – Collado Villalba 2012) actor de llarga trayectoria que dedicó tola so vida al cine y trabayó per tol mundu en más de 167 producciones, munches d’elles películes d’aventures, d’acción y del oeste. La repentina muerte de Frank Braña en febreru de 2012 impidió qu’acudiera en persona como ye vezu a entregar los premios principales del Festival y por ello decidióse aplazar la 8ª edición del Festival de Cine Asturianu pal añu siguiente. Por ello nesta 8ª edición de 2013 entrególos el director y cineasta Manuel Curiel (Fonsagrada, 1948), biógrafu de Frank Braña, que publicó un interesante llibru sobre la vida y filmografía del actor asturianu. Na Gala, Manuel Curiel fizo un repasu a la trayectoria cinematográfica de Frank Braña al que se-y dedicaron varios homenaxes en 2007 durante la 29 edición de la Semana de Cine de Lugo.Palmarés del 8u Festival de Cine Asturianu
Los xuraos d’esta 8ª edición fueron los realizadores Juan José Bors y Moisés Tuñón y l’actriz Isabel Friera de la Unión d’Actores d’Asturies. El Festival de Cine Asturianu presentó tamién el 16 d’abril en Xixón el llibru de Miguel Losada «Vivir el cine: 120 películas que no podrás olvidar». La Gala d’Entrega de Premios cuntó cola participación d’artistes y personalidaes del mundu del cine y del espectáculu como Pepa Martínez, Elena Martín, Miguel Losada, Pepe Santovenia, DiCarlo, Ángela Fernández, Moisés Tuñón, Isabel Friera, Saúl Quiñones, amás del Grupín de Teatru SomosAsturies y el director y escritor de cine Manuel Curiel.

¡Haz clic para puntuar esta entrada!
(Votos: 0 Promedio: 0)

Más del autor /a

DEJA UNA RESPUESTA

Por favor ingrese su comentario!
Por favor ingrese su nombre aquí

- Publicidad -

Últimos artículos