Asturies, nome plural, són dos territorios históricos que comparten una mesma cultura, llingua y tradiciones. Són Asturies d’Uviéu y Asturies de Santiyana. La recién historia configuróles como territorios alministrativos estremaos pero la so milenaria historia configuróles como una mesma entidá cultural pues comparten llingua y tradiciones.
La Llébana ye tamién otru territoriu históricu asturianu, mencionáu yá nos documentos del Reinu d’Asturies que se configuró como una entidá alministrativa y dende 1779 vincúlase a Asturies de Santiyana enviando un representante a la Casa de Xuntes de Bárcena de la Puente. Asturies de Tresmiera ye un territoriu históricu mui antigu que tien el so orixe nel Reinu d’Asturies y que pervivió con entidá alministrativa propia hasta la creación de les actuales provincies en 1835. Otros nomes como Les Asturies de Sancto Anderio, o Les Asturies de Castiellu, tán documentaes pero toles Asturies referíense siempre como una dualidá: la d’Uviéu y la de Santiyana.
Asturies de Santiyana ye un territoriu históricu qu’ocupa la tierra ente los ríos Deva y Miera, merindá documentada dende’l sieglu XI. Comprende más de la metá de la provincia de Santander, sacantes Llébana que se constituyía notra comarca. Les sos llendes diben dende Ribedeva hasta’l ríu Miera na Badía de Sanander, que da pasu a la merindá de les Asturies de Tresmiera. Pel sur llegaba hasta los Montes Asturianos coles vertientes d’agües pal norte. La llingua d’esti territoriu ye l’asturianu-oriental o dialectu montañés, que tien como rasgu l’aspiración de la efe llatina.
Dende l’Alta Edá Media conocíase como Asturies a tol territoriu ente la montaña y la mar que diba dende los ríos Eo al Mena como territorios orixinarios del reinu. El territoriu conocíase simplemente como Asturies. La villa de Santiyana yera dende antiguo la capital d’esti territoriu asturianu. Dende l’Alta Edá Media conocíase como Asturies a tol territoriu ente la montaña y la mar que diba dende los ríos Eo al Mena como territorios orixinarios del reinu. El territoriu conocíase simplemente como Asturies y nómase Asturies de Sancta Iuliana dende’l sieglu IX si bien tol territoriu pertenecía al Obispáu d’Uviéu dende 802.
En 1184 produzse la dixebra eclesiástica de Les dos Asturies, debío a una sentencia toledana y l’Asturies santiyanse pasa pal nuevu obispáu de Burgos. Ye dende entós cuando esta tierra va dir ametiéndose al reinu de Castiella como merindá propia. La ilesia d’Uviéu perdió los derechos sobre estes Asturies escepto llugares como Santa María del Yermu que siguieron perteneciendo al Obispáu d’Uviéu. En 1377 el valle de Toranzu quéxase al rei de los abusos de la casa Castañeda y los nueve conceyos asturianos solidarícense entamando el Pleitu de los Nueve Valles col fin de recuperar la so antigua condición de territoriu de realengu. El Pleitu acaba en 1581 cola vinculación nobiliaria y los nueve valles asturianos faen xunta xeneral dende 1630 en Bárcena de la Puente. El 2 de septiembre de 1630 Felipe II crea la provincia d’Asturias de Santiyana. Aquellos Nueve Valles asturianos que ganaron el Pleitu fueron los de: Reocín, Cabezón, Cagüérniga, Lloredu, Piélagos, Camargu, Villaescusa, Cayón y Penagos, y a partir d’esta sentencia configuráronse como provincia: la Provincia d’Asturies de Santiyana que redactaron en común unes Ordenanzes adoptaes por Felipe II, el 17 de febreru de 1.645. El 28 de xunetu de 1.778 reuníense en Bárcena de la Puente, los Valles asturianos de Valdáliga, San Vicente, Cotu d’Estrada, Riunansa, Llamasón, Peñarrubia, Peñamellera y Ridedeva; las del sur: Cartes, Buelna, Anievas, Cieza, Iguña, Pie de Concha, Toranzu y la Provincia de Llébana, y después de manifestar les ventayes d’una xunión «en cuerpu de Provincia», redactaron les Ordenanzas pa la xunión de la provincia d’Asturias de Santiyana cola de Llébana. Esta unión fue aprobada por Real Cédula de 22 Noviembre de 1.779 pero nun llograren la sanción real. Sanander algama obispáu independiente del de Burgos en 1754 perteneciendo anguañu al Arzobispáu d’Uviéu.
Históricamente dambos territorios formaron el Principáu de les Asturies, si bien el territoriu de Santiyana quedó axuntáu dientro del expansionismu nobiliariu del Reinu de Castiella y les Asturies d’Uviéu siguieron perteneciendo al Reinu de Lleón. Anguañu, dambos territorios pertenecen a la mesma provincia eclesiástica d’Uviéu. Na dixebra territorial de 1835 parte de la primera pasó a formar la provincia d’Uviéu y l’Asturia de Santiyana quedó na so mayor parte na de Sanander yá que Ribedeba y les Peñamelleres prefirieron pasase pa la provincia ovetense. Nel sieglu XIX importantes intelectuales tanto uvieínos como sananderinos propónense la xuntura de les dos Asturies nuna sola rexón alministrativa, fin que nun puediron llevar a bon fin.