Iniciativa pol Asturianu celebra la bonísima recepción del so videu informativu sobre la oficialidá per parte de la sociedá asturiana

Imprimir E-mail
(0 Votos)
Escrito por Iniciativa pol Asturianu   
Jueves, 25 de Octubre de 2018 11:23
La organización quier agradecer a tola ciudadanía asturiana la bona acoyida del videu preparáu en rempuesta a les falses idees y argumentos espuestu pol PP de Cherines. Iniciativa pol Asturianu quier agradecer a los diferentes medios de comunicación la importante difusión fecha del documentu que pudo vese n'informativos y en tolos principales medios informativos d'Asturies. iniciativa-asturianu-banda-logo






iniciativa-votantes

Inaciu Galán, presidente d'Iniciativa pol Asturianu, quixo esta mañana celebrar la bonísima recepción del so videu informativu per parte de la sociedá asturiana. Galán añadió que "frente a manipulaciones, xeneralidaes y mentires que solo quieren emporcar la vida política d'Asturies dende Iniciativa pol Asturianu respondimos con argumentos sólidos, con rigor y seriedá".
El presidente de la organización añadió que "tamos mui contentos col resultáu d'esta campaña: en poques hores en Facebook llegamos a casi 71.000 persones convirtiéndose esta publicación en viral. Los resultaos n'otres redes sociales como Twitter, Instagram o YouTube consiguiendo miles y miles de visites que sirvieron pa dar a conocer la postura y argumentos irrefutables sobre la oficilidá y los sos beneficios pa la sociedá asturiana. Gracies a esti videu muncha xente tá interesándose pola situación del idioma y ficiéronse socios d'Iniciativa pol Asturianu".
Gracies a esti videu muncha xente tá interesándose pola situación del idioma
"Dende Iniciativa pol Asturianu queremos aprovechar pa recordar al Partido Popular que los tamos esperando colos brazos abiertos nesta reivindicación de la oficialidá de la llingua asturiana que n'otros llugares asumen con total normalidá como ye'l casu de Galicia. Ellí Feijóo continuamente fala de les bondaes de la oficialidá y la utilización del gallegu con total llibertá y cómo la oficialidá foi positiva pa Galicia. Por ello, nun entedemos la postura de Cherines, cuando amás la metá de los votantes del PP d'Asturies son partidarios de la oficialidá del asturianu" apuntó Galán.
Inaciu Galán acabó dando les gracies en nome d'Iniciativa pol Asturianu a los diferentes medios de comunicación pola importante difusión fecha del documentu audiovisual que pudo vese n'informativos y en tolos principales medios informativos d'Asturies.scroll back to top
 

Directorio de empresas

silvota_trabajador

Números publicados

portadas

Concejos

mapa_asturias_p