Imágenes de Asturias

descargar


Suscríbete

Recibe cada mes el sumario en tu correo

Opinión Firmas Xaviel Vilareyo L’asturianu nos apellíos

L’asturianu nos apellíos

Imprimir E-mail
(6 Votos)
Escrito por Xaviel Vilareyo   
Jueves, 26 de Julio de 2012 10:25
L’asturianu nos apellíos 5.0 out of 5 based on 6 votes.
Asturies, como primerísimu reinu fundador de civilización, ye unu de los oríxenes xenealóxicos y principiu d'estirpes antroponímiques más importantes de la península hespañola. Xaviel VilareyoLa xenealoxía asturiana non sólo algama al territoriu de Les Asturies sinón que los apellíos asturianos espardiéronse pel sur según diba progresando la conquista na Edá Media y asina los llinaxes asturianos enraigonaron en diversos llugares d'Hespaña y llueu d'América.
La llingua asturiana va tar lligada dende un principiu a la conformación de la onomástica y de l'antroponimia asturiana. Asina anguañu perdura tol bayurosu patrimoniu cultural de l'antroponímica asturiana que básicamente foi configurándose coles pautes marcaes pola propia llingua asturiana.
L'apellíu qu'hoi ye más frecuente nes dos Asturies y en Lleón ye Fernández, deriváu del nome Fernando, fechu direrencial d'estos territorios frente al restu la península onde són otros apellíos los que predominen. La conservación de la efe asina como la terminación de los apellíos patronímicos xenitivos en –i, -is (Melendi, Froilani, Peri...) són influencia del romance asturianu
asina como la formación d'abondos nomes de persona asturianos (Iyán, Yago, Diegu, Nuño...) de los que llueu derivaron más apellíos. Otros nomes de procedencia xermánica o céltica asturianizáronse llingüísticamente formándose nel tiempu una antroponímica asturiana propia (Hordoño, Bermudu, Gundisalvu, Fruela...).
L'apellíu qu'hoi ye más frecuente nes dos Asturies y en Lleón ye Fernández, deriváu del nome Fernando, fechu direrencial d'estos territorios frente al restu la península onde són otros apellíos los que predominen.
Munchos apellíos asturianos formáronse a partir de nomes comunes n'asturianu de plantes o frutos del xeitu como se nomen n'Asturies: Ablanedo, Carbayal, Caxigal, Fueyo, Figares, Faya, Albuerne, Felgueres, Xardón, Xunquera, Meruéndano, Nozaleda, Nespral, Pebida, Pebidal, Pumares, Pruneda, Peruyero, Reboyal, Tuero, Sabugo, Salgueiro, Selgas, Toxo, Biesca, Miyares...
Otros lleven el nome n'asturianu d'animales: Calandria, Abeya, Caelles...
Hai apellíos asturianos que se refieren simplemente a oxetos comunes de la vida diaria, ferramientes o aperios presentes nes faenes rurales o artesanes: Argüelles, Espiniella, Fierros, Ferrada, Gabito, Gadañón, Llastra, Murias, Ponte, Riestra, Torga, Zapico, Colodrón, Bango, Soladana...
Otres veces los apellíos asturianos fórmense a partir d'un axetivu calificativu de cualidaes, oficios o capacidaes como: Fidalgo, Ferreiro, Folgosu, Fayuco, Gayol, Infanzón, Melguizo, Mariñán, Lloriáu, Patayo, Rubio, Prieto, Sirgo, Melgar, Teixeiro, Texedor...
Bien d'apellíos asturianos són simplemente reproducción de nomes sustantivos mui comunes del repertoriu la llingua asturiana que tienen por ello un significáu mui precisu como por exemplu: Caleya, Buelga, Bustiello, Braña, Camín, Cuenya, Castiello, Granda, Pedregal, Quintana, Quintes, Cabanilles, Casielles, Escandón, Escosura, Noval, Peñayos, Reguerín, Rozada, Roza, Sariegu, Sotiellu, Cotiellu, Sopeña, Uría, Vallines, Vidayes, Llames, Fontaneda, Llera...
Amás hai que tener en cuenta aquellos apellíos asturianos que recuerden topónimos o hidrónimos de la tierra asturiana y que denoten el so raigañu: Avilés, Siero, Riaño, Valdés, Beleño, Arango, Liébana, Xixón, Celis, Navia, Llanes, Liencres, Nansa, Ponga, Valdeón...L’asturianu nos apellíos
Hai que tener en cuenta qu'hai apellíos asturianos como Ferrera, Fidalgo, Ferrero o Fernández que tienen tamién oríxenes al empar notros territorios de fuera de Les Asturies que nun tiempu fueron condaos del Reinu d'Asturies como Castiella o incluso n'Aragón, pero que si nestos territorios evolucionaron hacia formes con H- muda, n'Asturies conservaron siempre la efe etimolóxica propia del idioma asturianu. Notres ocasiones, sobretou a partir del sieglu XVIII los apellíos asturianos sufrieron una inapropiada castiellanización de la grafía motivada tamién polos cambios otrográficos esperimentaos nesi sieglu que desvirtuaron en parte el correctu significáu de los mesmos, fechu que coles actuales lleis puede iguase ensin problemes nos rexistros oficiales, recuperando tanto les grafíes antigües como adaptándoles a les del asturianu modernu (Berdayes-Verdayes; Carbajo-Carballo-Carbayo...)
Ta de más remembrar que los apellíos asturianos anguañu alcuéntrense espardíos non sólo pela península sinón tamién per América yá dende los primeros años de la conquista americana, onde se sigue recordando a asturianos como l'avilesín Pedro Menéndez, conquistador de La Florida en 1565 o al somedanu Diego Flores de Valdés.scroll back to top
 

Una hora menos en Miranda

Entre 2008 y 2014, Xaviel Vilareyo escribió en Fusión Asturias un artículo mensual bajo el nombre Una hora menos en Miranda. Aquí se puede encontrar la recopilación completa de estos trabajos.

Directorio de empresas

silvota_trabajador

Directorio de  Guía de Asturias

Números publicados

portadas

Concejos

mapa_asturias_p