Imágenes de Asturias

descargar


Suscríbete

Recibe cada mes el sumario en tu correo

Opinión Firmas Xaviel Vilareyo Fiestes paganes asturianes: l’Antroxu de xineru

Fiestes paganes asturianes: l’Antroxu de xineru

Imprimir E-mail
(12 Votos)
Escrito por Xaviel Vilareyo   
Jueves, 24 de Diciembre de 2009 12:20
Fiestes paganes asturianes: l’Antroxu de xineru 4.8 out of 5 based on 12 votes.
Toa cultura ye resultáu d’un amestáu de sustratos culturales anteriores que van conformando un nuevu tipu de cultura especial. Nel casu d’Asturies la cultura propia ye productu d’una complementación histórica de varies civilizaciones como fueron la céltica, romana y cristiana.
Xaviel VilareyoLa pervivencia de cultos paganos non-llatinos asina como la onomástica indíxena conservada hasta’l sieglu III prueben la escasa romanización nes Asturies. La cristianización nel territoriu de Les Asturies foi tamién mui tardía y superficial. Hasta’l sieglu VIII cuasi tola población d’esti territoriu como documenten los testos paecía tar inmersa nel vieyu paganismu celto-romanu y nes creencies paganes.
La fiesta d’Añu Nuevu, el primeru de xineru o les calendes xanuaries yera una fiesta pagana que la ilesia cristiana siempre combatió. Toles calendes yeren festives pero ésta yéralo especialmente yá que dende l’añu 153 ANE coincidía col entamar de los cónsules. El 17 d’avientu había otra fiesta importante, la saturnalia, n’honor a Saturnu, que nos países célticos celebrábase con antroxos y folixes. Les mázcares más típiques yeren imitando animales, dioses celtes, cabritu o ciervu de Cernunnos. Les calendes de xineru yeren un Antroxu na Asturies de la dómina celta, y festeyábase con inxesta d’alcoholes y con un desenfrenu sexual en forma d’orxíes, aspectu ésti de la promiscuidá sexual que preocupaba a la ilesia. Nesti día nun se respetaben Anguañu conservamos n’Asturies esta celebración pagana del primeru de xineru cola fiesta de los Guirrios, Sidros, Zamarrones o Zarramacos, Bijaneros o Bardancos. Los homes vístense de forma raro, de blanco, con pelleyos d’animales especialmente cabritos, con faldones o collores llamativos y campanes, llueques o cascabeles.les normes de fidelidá matrimonial y trespasábense les normes de la moralidá sexual. La ilesia prohibía estes celebraciones pero seguíen practicándose. Preocupába-yos el desenfrenu sexual pero tamién los antroxos de cabritos que la ilesia asociaba con Satanás. Dellos teólogos intenten camudar el calendariu pa que los años entamen a fines de marzu y evitar estes calendes pero nun són quién a ello. Tamién dexen constancia los escritos que los homes vestíense de muyeres. La práctica de los augurios pervivió y el vezu de danzar xuntos homes y muyeres. Anguañu conservamos n’Asturies esta celebración pagana del primeru de xineru cola fiesta de los Guirrios, Sidros, Zamarrones o Zarramacos, Bijaneros o Bardancos. Los homes vístense de forma raro, de blanco, con pelleyos d’animales especialmente cabritos, con faldones o collores llamativos y campanes, llueques o cascabeles. Dalgunos lleven la cara pintada, con cucuruchos na tiesta o gorros pergrandes con cintes o campanines. Na mano llevaben un palu llargu. Podíen llevar caretes dobles de pelleyu d’oveya, n’homenaxe al dios Xanu. Estos homes baillen y piden l’agilandu, solicitando regalos a les muyeres. N’Asturies consérvase la costume de perseguir a toles muyeres, niciu del primitivu antroxu orxiásticu que yeren les calendes de xineru. Munchos llugares d’Asturies conserven esta fiesta del primeru de xineru, como San Xuan de Beleño, en Ponga, L.lena, Polaciones, Molléu, Valdepráu, Valledor, Ibias, Mieres y Sieru. En Toranzu, Iguña y Anievas nómase la “Bijanera”, derivao de bis xanuaria, fiesta de los dos Xanos, l’añu vieyu y el nuevu porque Xanu yera’l dios de les dos cares, el dios de les entrades y salides. El Xanu n’Asturies ye’l maríu de la Xana. Ye mui celosu, fuerte, pequenu y de mala intención. Más pequenu que la Xana, mide unos 40 centímetros, viste con pelleyos d’animales y vive tapecíu embaxo l’agua de los ríos, fuentes o pozos cerca del so trabayu. El xanu ye’l guardián d’entrada a les cueves de los trasgos, al mundu soterraneu nel que viven metíos, nuna montaña o nun colláu. El cultu a los Xanos ta probáu pola toponima asturiana que caltién nomes como El Picu Xanu o El Picu Xana, seña d’un cultu paganu al dios Xanu y a la diosa Xana. Créese que Xanu taba casáu con una ninfa, una xana, y foi padre de Fontus, dios de les fontes y de Tíber.
Notros casos la fiesta xanuaria pasó a celebrase otros meses hibernales (Cuaresma) pa evitar la prohibición cristiana, pero la primitiva fiesta del Antroxu yera la del primeru de xineru. La palabra asturiana antroxu deriva de la llatina introitu que significa introducción o principiu. La fiesta los antroxos derivó enFiestes paganes asturianes: l’Antroxu de xineru representaciones teatrales de personaxes, como “El Maragatu”, “La Dama”, “La Bruxa”, “El Cura”, “L’Indianu” y tamién escribiéronse pieces de teatru. Son Les Comedies que se representen nestes fiestes de los antroxos d’hibiernu. Los modernos mazcaritos carnavalescos nun són sinón formes modernes de los antiguos antroxos paganos asturianos.
scroll back to top
 

Una hora menos en Miranda

Entre 2008 y 2014, Xaviel Vilareyo escribió en Fusión Asturias un artículo mensual bajo el nombre Una hora menos en Miranda. Aquí se puede encontrar la recopilación completa de estos trabajos.

Directorio de empresas

silvota_trabajador

Directorio de  Guía de Asturias

Números publicados

portadas

Concejos

mapa_asturias_p